Categories

اعلان

Loading…

غني: افغان ځواکونه به د سولې پروسه هم بریا ته رسوي

تاند، جمعه، د حوت ۹مه: ولسمشر غني د سرتېرو د ملي ورځې د کب د نهمې په ویاړ امنیتي ځواکونو او د هغوی کورنیو ته مبارکي ویلې ده.
ولسمشر ویلي، باور لري چې افغان ځواکونه به لکه څنګه یې چې د جګړې په ډګر کې د دښمن پر وړاندې میړانه ښودلې، د هیواد ساتنې ته دوام ورکوي او د سولې پروسه به هم د خلکو له ارمانونو سره سمه بریا ته رسوي.

ولسمشرغني ویلي، د ملت د خادم په توګه یې کلک دریځ نیولو او د افغان ځواکونو میړانې په هیواد کې د تاوتریخوالي کچه راکمه کړې ده: (( افغان ځواکونه د اساسي قانون ساتونکي، د ملي یووالي او ملي اقتدار ساتونکي دي، له همدې کبله د دوی د میړانې له کبله دښمن خپلو تعین کړیو اهدافو ته ونه رسېدلای شو.))

ولسمشر امنیتي ځواکونو ته په پیغام کې ویلي، چې د دوی د هڅو له کبله ۱۰ ولسوالۍ له دښمن پاکې شوې دي او د افغان دولت تر حاکمیت لاندې راغلي دي: (( ټول ملت له تاسې څخه د ملاتړ برخه کې اجماع لري، تاسو په ټاکنو کې د امنیت په ټینګولو سره وښودله چې بې طرفه یاست او د هر افغان وګړي پورې اړه لرئ.))

ولسمشر زیاته کړې چې افغان ځواکونه پراخ حکومتي او نړیوال ملاتړ لري او د تمویل، تجهیز او روزنې لپاره به یې راتلونکو کلونو کې لا زیات پروګرامونه پلي شي.

د کب ۹مه په ټول هیواد کې د سرتېرو د ملي ورځې په نوم یادېږي چې سږ کال هم دا ورځ په ټول هیواد کې په پراخه دولتي او ولسي کچه ونمانځل شوه.

onesignal_meta_box_present:
onesignal_send_notification:
response_body:
{"id":"e2f1b6e6-017f-41da-a80a-126ce85b10c4","recipients":861,"external_id":"31bce27a-0d54-896a-923a-0fae8b7a9f07","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

Leave a Reply

Your email address will not be published. Required fields are marked *

۸