Categories

اعلان

Loading…

ایران د کورونا له کبله د جمعې لمونځ لغوه کړ

تاند(پنجشنبه،د حوت ۷) په ایران کې د کورونا وایروسو د خپرېدو له کبله سبا (جمعه) په دې هیواد کې د جمعې د لمانځه په ګډون هر راز غونډې لغوه شوي دي.

د وروستیو راپورونو له مخې، کورونا د دغه هیواد د ولسمشر مرستیاله هم نیولې. مخکې د ایران د روغتیا د مرستیال وزیر او د پارلمان د غړیو ناروغي تایید شوې وه.

ایران ظاهراً په کورونا وایروسو د ۲۷ تنو مړینه او د نژدې ۳۰۰ تنو اخته کېدا تاییدوي خو خلک وايي چې په کورونا تر دې څو چنده ډېر خلک مړه شوي او یا اخته شوي دي.

د ایران دولتي تلویزیون وايي چې په دې هیواد کې پر ۱۰۰۰ تنو شک دی چې د کورونا پر وایرسو به اخته وي.

د دغه هیواد د روغتیا وزیر سعید نما د پنجشنبې په ورځ وویل چې په لویو ښارونو په تېره بیا په هغو ښارونو کې چې د کورونا پېښې ثبت شوي دي، د جمعې لمونځ لغوه شوی دی.

د ایران دولتي راډیو وايي، په قُم ښار کې ۴۹ تنه، چې په کورونا اخته شوی وو، ښه شوي دي.

په ایران کې لومړی پلا د کورونا وایروس په قم کې تشخیص شو او افغانستان ته هم په کورونا لومړنی اخته کس له دې ښاره هرات ته راغی.

سعودي: لنډ وخت لپاره هیڅ هیواد نه عمرې ته څوک نه راپریږدو

د ایران د ولسمشر مرستیاله معصومه ابتکار هم یوه له هغو کسانو څخه ده چې په کورونا اخته کېدا یې تایید شوې ده. په کورونا د اغلې ابتکار د اخته کېدا تایید ښيي چې په ایران کې تر هغه څه چې رسماً ویل کېږي خورا ډېر کسان اخته شوي دي.

onesignal_meta_box_present:
1
onesignal_send_notification:
response_body:
{"id":"04f4d2fa-2dae-4a4d-bb53-e2772a8523f2","recipients":861,"external_id":"7bfecd87-72a6-18c8-754d-202cb19af195","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

Leave a Reply

Your email address will not be published. Required fields are marked *

۸