Categories

اعلان

Loading…

امنیتي ځواکونو د وروستیو موازي ګډوډیو د مخنیوي خبرداری ورکړی دی

تاند، دوشنبه، د حوت ۵ مه: د هیواد امنیتي ځواکونو وروستیو موازي ګمارنو ته په اشاره ګډه اعلامیه کې خبرداری ورکړی چې د نافذه قوانینو پر بنسټ پر دولتي تأسیساتو برید، غصب او تخریب یې او همدارنګه د دولتي بنسټونو په کاري چارو کې خنډ رامنځته کول ملي خیانت او جرم بلل کېږي.

اعلامیه کې امنیتي او دفاعي ځواکونه مؤظف شوي چې د دا ډول فعالیتونو مخه ونیسي او همداراز معترضینو ته ګواښ شوی، چې د دولتي بنسټونو د غصب او تخریب هڅه ونه کړي؛ که نه د سرغړونې په صورت کې به له جدي قانوني چلند سره مخ شي.

اعلامیه ټینګار کوي چې معترضې ټاکنیزې ډلې دې د اعتراضیه حرکتونو پر مهال له وسلو ډډه وکړي، او د عامه نظم له اخلال څخه دې ډډه وکړي.

دا په داسې حال کې ده چې د ثبات او همپالنې ډلې په وروستیو کې د سرپل تر څنګ بغلان ته هم خپل والي ګمارلی دی او ځینو ښارونو کې یې داسې لوحې نصب کړې دي چې په کې عبدالله ته د منتخب ولسمشر خطاب شوی دی.

حکومت د عبدالله د ډلې دا کارونه بې ارزښته بولي او د پنجشنبې په ورځ یې د ولسمشر محمد اشرف غني د لوړې د مراسمو چمتو کولو خبر ورکړی دی.

همداراز سرچینې وایي، له بله اړخه استاد عبدالرب رسول سیاف هم د ولسمشر غني، حامد کرزي او عبدالله تر منځ د روغې جوړې هڅې پیل کړېدي او نن یې په دې اړه ځینې ناستې هم کړې دي

onesignal_meta_box_present:
1
onesignal_send_notification:
response_body:
{"id":"16ab4112-9da8-45ab-a213-9e24ef881ae0","recipients":862,"external_id":"e4f72e95-d7d5-bcca-90c9-833369f40934","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
862

Leave a Reply

Your email address will not be published. Required fields are marked *

۸