Categories

اعلان

Loading…

طالبان: د مناسبې فضا لپاره موږ د حکومت زر تنه او حکومت زموږ ۵ زره بندیان خوشې کوي

تاند، دوشنبه، د دلوې ۲۸مه: په قطر کې د طالبانو د مرکچي پلاوي یو غړی په لومړي ځل د امریکا او طالبانو د تړون له نهايي کېدا او د تړون د لاسلیک، مراسمو، بندیانو خوشي کولو او وروستیو ګامونو په اړه له رسنیو سره غږېدلی دی.

مولوي سلام حنفي له یوې طالب ویبپاڼې سره په تازه مرکه کې ویلي، چې د امریکا او طالبانو ترمنځ د تاوتریخوالي کمولو او د تړون لاسلیک لپاره د مناسبې فضاء رامنځته کولو لړۍ به را روانه اونۍ پيل او د میاشتې په وروستیو کې به دا تړون لاسلیک شي.

مولوي حنفي د توافقنامې د لاسلیک تر مخه د تاوتریخوالي د کمښت په اړه وویل چې د لاسلیک د مراسمو تر مخه به مناسبه فضا را منځته کیږي، چې تر بین الافغاني مذاکراتو مخکې به طالبان د حکومت او امنیتي ځواکونو اړوند زر تنه بندیان خوشي کوي او په مقابل کې به یې امریکایان او د کابل حکومت پنځه زره طالب بندیان را خوشي کوي.

ښاغلي مولوي عبدالسلام حنفي په قطر کې د نن ټکی اسیا ویب پاڼې سره په ځانګړې مرکه کې ویلي چې د طالبانو او امریکایانو ترمنځ ترسره شوې توافقنامه به د رواني فبروري میاشتې تر پایه لاسلیک شي: (( د تړون د لاسلیک مراسم به په دوحه کې تر سره کیږي او ټاکل شوې ده، چې د شاهدانو په ډول به د افغانستان د ګاونډيو هیوادونو، په  افغان سوله کې د ښکېلو هېوادونو، نړیوالو سازمانونه، په ملګرو ملتونو کې د امنیت شورا غړي هېوادونه، اسلامي کانفراس، اروپايي اتحادیه او ځیني نور هیوادونه هم ګډون کوي.))

د نړیوالو رسنیو د راپورونو سره سم د طالبانو او امریکایانو د توافق پر اساس به د رواني میلادي میاشتې د فروري د ۲۲مې نیټې څخه د تاوتریخوالي د کمښت موده پيلیږي او پر ۲۹مه نیټه به توافقنامه لاسلیکیږي، چې له هغه وروسته به د بندیانو تبادله او بین الافغاني مذاکراتو ته لاره هواریږي.

په داسې حال کې چې د امریکا او طالبانو ترمنځ د سولې تړون د لاسلیک خبرې تودې دي، خو افغان حکومت لا هم نه دی توانېدلی چې د سولې د بین الافغاني مذاکراتو لپاره له خپل لورې غوره شوی ټيم وټاکي.

onesignal_meta_box_present:
1
onesignal_send_notification:
response_body:
{"id":"180e1520-7cc9-452d-b12e-97cb07970c3c","recipients":866,"external_id":"5134674e-8482-0570-5e3c-cffb3b4c86d8","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
866

1 comment

  1. Abdul Haq Munib Reply

    دیره ښه الله ج دی واقعی سوله راولی چی داسلام او تولو افغانانو په خیر وی

Leave a Reply

Your email address will not be published. Required fields are marked *

۸