Categories

اعلان

Loading…

ناروا | اجمل پسرلی

تورسپين ببر ویښته یې له قیدکه راوتلي و. ټیکری یې په غاړه کې پروت و. د پوړني پیڅکه یې په دواړو لاسونو نیولې وه. ویښته یې باد ته رپيدل، له ځان سره بڼیده:
« په دغه لاره یې یووړ …پسې نه ورغلم….ناروا…نه پریښودم…»
غږ یې لوړ کړ:« ولې نه ورتلم ….»
لور یې لوڅې پښې کوڅې ته پسې راووتله دا یې له مټه ونیوله کور ته یې کش کړه. نجلۍ له جګه اوبه ورواخیستې ګولۍ یې د مور پر ژبه کیښوده بیا یې سر ور هسک کړ اوبه یې پرې وڅښلې.
مور یې ورته وویل:
« زه رکه روغه یمه په ما هیڅ نه دې شوي»
لور یې په نیولي غږ ورته وویل:
« ښه یې خود ښه یې بیخي ښه یې»
-کاشکي مې خدای پاماني ورسره کړی وای
لور یې د دې شاته بالښت سم کړ:
-سر کیږده
ښځې پښې وغځولې. د نجلۍ پلار دروازه پرانیسته، پر شونډو یې ګوته کېښوده، لور ته یې اشاره ورکړه چې پسې ورشي:
– بیا بې حاله شوې؟
-کوڅې ته وتلې وه هغه د خدای پاماني خبره یې کوله
پلار یې تندی وموښه. پورته یې وکتل:
-خو څو وارې مې درته وویل چې ور خلاص مه پریږده
لور یې په وچو سترګو پلو تیر کړ، پلار په غېږ کې ونیوله:
-ښه کیږي له خیره سره چې دا ځل د ډاکټر دوا خلاصه کړي بیا یې وګوره
-نن یې ویل زه ښه یم دوا مه راکوه
-پام کوه دوا یې قضا نه کړې
په کوټه کې غږ شو. پلار او لور ورمنډې کړې، ښځه په خوب کې غږیده. سړي پر دیوال د خپل زوی کوږ عکس سیخ کړ، بیرته یې عکس له میخه وایست، ووت.
لور یې پسې ورغله:
-دادا عکس بیرته کیږده سهار یې غالمغال کاوه چې عکس چا لرې کړی بیا ما ځوړند کړ
-چې دغه ګوري نور یې هم زړه تنګیږي
نجلۍ لاس وراوږد کړ، پلار پټه خوله عکس ورته ونیو.

پای

719 total views, no views today

onesignal_meta_box_present:
1
onesignal_send_notification:
response_body:
{"id":"6cb28b35-2b97-4c60-858c-967553ef1ddc","recipients":868,"external_id":"1bea8183-a8d5-0668-6428-607eb210baca","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
868

Leave a Reply

Your email address will not be published. Required fields are marked *

۸