Categories

اعلان

Loading…

مرتضوي د ایران ولسمشر ته: افغانستان پورې مه خاندئ، له افغانستانه یې زده کړئ

تاند، چهار شنبه، د دلوې ۹مه: د ولسمشر فرهنګي سلاکار شاه حسین مرتضوي د ایران د ولسمشر حسن روحاني د دې څرګندونو په ځواب کې چې د افغانستان ټاکنې مسخره بللې وې، ویلي، په افغانستان پورې مه خاندئ بلکې له افغانستانه یې زده کړئ.

حسن روحاني په یوه تازه وینا کې په مسخره وویل، ایا موږ هم ټاکنې الکترونیکي کړو بابا؟ دا کار خو افغانستان هم وکړ. (په دې پسې د ناستو کسانو او روحاني د خندا غږ جګ شو.))

خو اوس د ولسمشر سلاکار شاه حسین مرتضوي د روحاني په څرګندونو نیوکه کړې او په خپله فیسبوک پاڼه یې لیکلي، موږ ته پیغور مه راکوئ، بلکې له موږ یې زده کړئ.

مرتضوي لیکلي: (( افغانستان چې ۴۰ کاله یې په جګړه کې تېرکړل اوس ورته تر ټولو زیاته اړتیا ده چې د ولسواکۍ، بیان ازادۍ، بشري حقونو او انساني کرامت خوندیتوب هڅې وکړي، افغانستان د بیان د ازادۍ له پلوه په ټوله سیمه کې ساری او ثاني نه لري.))

مرتضوي افغانستان کې د مذهبي یووالي او رسنیو ازادۍ پدیده تر ټولو بې سارې بللې ده: (( د ۱۳۹۳ کال په ټاکنو کې د افغانستان ټاکنو کې رقیب ټیم په واک کې راشریک کړای شو، خو د ګاونډي هیواد د ټاکنو رقیب زندان ته واستول شو. موږ سیاسي زندان نه لرو، د ټولنې غږ نه خپ کوو، افغانستان داسې ښیګڼې لري چې ډیر ګاونډیان یې نه لري.))

دا په داسې حال کې ده چې په افغانستان کې د ټاکنو بریښنايي کېدو ته ډېرې هیلې وې، خو دا ځل هم په کې ټاکنیزه پروسه له خنډ او ځنډ سره مخ شوې ده.

890 total views, no views today

onesignal_meta_box_present:
onesignal_send_notification:
response_body:
{"id":"c6701b91-da46-465e-8216-c59de5cb4ebb","recipients":880,"external_id":"7adecd25-edd8-9f9f-7a29-ba6aab1d9f18","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
880

1 comment

  1. babrak Reply

    د مرتضوی دی کور اباد وي؟

Leave a Reply

Your email address will not be published. Required fields are marked *

۸