Categories

اعلان

Loading…

د منظور پښتین د راخوشې کولو لپاره په ټول افغانستان کې لاریونونه روان دي

تاند، سه شنبه، د دلوې ۸مه: د محسن داوړ له غوښتنې وروسته د افغانستان په بېلابېلو ولایتونو کې د منظور پښتین د خوشې کولو لپاره لاریونونه وشول چې تاند یې درته د ځینو سیمو د رارسېدلو معلوماتو راپور مخې ته ږدي.

کابل:

نن ماسپښين دوه بجې سلګونه ځوانان، فعالان او پېغلې د کابل حضوري چمن ته راټول شوي وو او د منظور پښتین د خوشې کولو غږ یې پورته کړ.

مظاهره چیانو ته د دولت ساز ټیم د ځوانانو مشر نجیب ازاد، د ولسي جرګې غړې مریم سلیمانخېلې، د ولسمشر پخواني سلاکار عبدالستار سعادت، زینب تره کې، میرویس ستانکزي او د عطاالله حیران تر څنګ ګڼو فعالانو ویناوې واورولې او د لر و بر یو افغان شعارونه یې بدرګه کړل.

کندهار:

کندهاري ځوانانو هم نن د منظور پښتین په راخوشې کولو ټینګار وکړ او له ملګرو ملتونو، بشري او نړیوالو ادارو یې غوښتنه وکړه چې پاکستان کې پر پښتنو او بلوڅانو د روانو ظلمونو مخه ونیسي.

د کندهار ځوانانو له پاکستان سره د لسګونه کالو جګړې او د پاکستاني توکو د نه کارولو باندې ټینګار وکړ.

ننګرهار:

د ننګرهار ګڼو فعالانو او مدني بنسټونو د جلال اباد ښار کې د ولایتي شورا مخې ته د منظور پښتین د راخوشې کولو لپاره سوله ییز لاریون کړی دی.

په دغه لاریون کې د ننګرهار د شاوخوا شپږو لویو وړو مدني ټولنو لسګونه فعالانو برخه اخیستې وه.

لغمان او کونړ:

د پمنظور پښتین د خوشې کولو په تړاو لاریونونو کې کونړ او لغمان ولایتونو هم خپله برخه واخیسته.

د کونړ فعالان د ولایت تر څنګ راټول شوي وو او د پښتنو پر ضد د پاکستان د پوځي ادارو دسیسې یې وغندلې.

همدا راز لغمان کې هم د منظور پښتین د راخوشې کولو له غوښتنې سره پراخه غونډه شوې ده.

د لغمان فعالانو له نړیوالو ادارو غوښتي چې پر پښتنو د پاکستاني ریاست د روانو ظلمونو مخه ژر تر ژره ونیسي.چ

خوست:

په خوست ولایت کې د ټول هېواد په کچه تر ټولو زیات فعالان، ځوانان او ځايي اوسېدونکي راټول شوي وو.

دغه ولایت کې له پيله تر اوسه د پي ټي ایم په ملاتړ غونډې او لاریونونه د ټول افغانستان په کچه بیساري وي.

دا ځل هم خوست فعالانو پاکستان ته ګواښ وکړ چې د پښتنو له ځورولو دې لاس واخلي او د پښتنو په خپله خاوره دې د پښتنو د ژوند تېرولو حق ومني.

پکتیکا، پکتیا:

د جنوب ختیځ دوه نورو ولایتونو پکتیکا او پکتیا کې هم نن لسګونه فعالان د پي ټي ایم د مشر منظور پښتین د راخوشې کولو په تړاو د لاریونونو شاهدان وو.

کویټه – ژوب:

نن د بلوچستان ولایت په ژوب ښار کې د ارمان لوڼي د خور وړانګې لوڼۍ په مشرۍ د منظور پښتین په ملاتړ لویه احتجاجي جلسه شوې ده.

هلمند او زابل:

دغو دوه ولایتونو کې هم ګڼ فعالان نن راوتلي او د پاکستان لخوا د طالبانو د ملاتړ د بس کولو د غوښتنې تر څنګ د پښتنو د غورځنګ پر وړاندې د دغه هیواد د پوځي ادارو د ناروا اقداماتو پر اعتراض وکړ.

پېښور:

د کوزې پښتونخوا په نږدې ټولو ښارونو بنو، وزیرستانونو، کوهاټ، پيښور ښار، نوښار او نورو سیمو کې نن د پي ټي ایم زرګونه ملاتړي جوپې جوپې راټول شوي او د پاکستاني ادارو لخوا د منظور پښتین د نیولو غندنه یې وکړه.

فعالانو پر پاکستاني ادارو غږ کړی چې د پښتنو مشرانو په نیولو سره د دوی د ازادۍ جذبه وژلی نه شي نه یې هم د لاریونونو او نعرې پورته کولو مخه نیولی شي.

د یادونې ده چې پاکستاني ادارو له دوه ورځوو راهیسې د پي ټي ایم مشر منظور پښتین په خپله ولکه کې ساتلی او تېره ورځ یې محکمې ته هم وړاندې کړی دی.

د منظور پښتین ملګری ادریس پښتین وايي، پاکستاني ادارو د منظور سرته توره کڅوړه واچوله او په زندان کې یې د دوی تر څنګ پخپله منظور ته هم شکنجه ورکړې ده.

بلخوا منظور پښتین چې تېره ورځ د ۱۴ ورځو لپاره زندان ته واستول شو، له خپلو ملګرو سره په لنډ ملاقات کې وویل، د پښتنو د حقونو ترلاسه کولو لپاره چې ده سره یې په مقابل کې خلکو بې کچې مینه کړې ده، د زندان زولنې او سختې په اسانۍ تېرولی شي، خو غږ یې څوک خاموشه کولی نه شي.

411 total views, no views today

onesignal_meta_box_present:
1
onesignal_send_notification:
response_body:
{"id":"b2e1913f-a5f6-4a1c-b157-7245b8fd0f90","recipients":880,"external_id":"bf51ba8f-1341-5d16-66ff-0c7525dae5e4","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
880

1 comment

  1. razmohammed mohmend Reply

    پشتنو ته سلام منظور ته سلام۰
    پشتنو ورونو وګوری په ګاډی کی د منظور پشتون تر حوا بی غیرته دال خواره پشتانه چوکیداران ناست او منظور یی نیولی دی۰ دا هم پشتانه پولیس د پنجاب په امر دا کار کوی۰

Leave a Reply

Your email address will not be published. Required fields are marked *

۸