Categories

اعلان

Loading…

داعشي مفتي: د سعودیانو په پیسو مو جوماتونه او زیارتونه ویجاړول

تاند، جمعه، د دلوې ۴مه:د داعش ډلې یو نیول شوي مفتي د عراق قضایي شورا ته اعتراف کړی چې سعودي عربستان د جوماتونو او زیارتونو د ړنګولو په اړه دوی ته د فتواګانو او بمونو پیسې ورکولې.

شفاء النعمة چې د ابو عبدالباري په نوم هم مشهور دی وایي، د یونس علیه السلام د مبارک زیارت د نړولو فتوا هم ده ورکړې وه.

نوموړی په ۱۹۸۴م کال کې د مدینې منورې له اسلامي پوهنتون څخه فارغ شوی وهابي دی چې د اماراتو په عجمان ښار کې یې د مدرسه الراشدین په نامه مدرسه کې هم زدهکړې ترسره کړې دي.

نوموړي ویلي، وروسته یې د جیش المجاهدین، جیش الاسلام او جیش محمد ډلو کې فعالیتونه ترسره او د حکومت د ملاتړو وګړو د وژلو فتواوې یې ورکولې: (( په ۲۰۰۷م کال کې د حج او عمرې لپاره ولاړم مکه کې مې برتانوي الاصله سعودي ابومصطفی النجماوي سره وکتل او هغه ته مې په موصل کې د خپلو ترلاس لاندې پروګرامونو تشریح وکړه چې نوموړي ورته ۶ زره ډالره د خرچې په توګه راکړل.))

نوموړی زیاتوي: (( همغه کال بیا سعودي ته لاړم او پخواني ملګري مې د   شیخ عبدالله الغنیمان په نوم یوه بل سعودي شیخ سره ملګری کړم او له هغه  هم راته څلورزره ډالر د همدې موخو لپاره راکړل.))

شفاء النعمة وایي، چې د ځانګړو پوځي روزنځایونو د مشري ترڅنګ یې پراخ تبلیغاتي کمپاین هم مخته ووړ او د ټولو هغو کسانو پرضد یې د مرګ فتواوې صادرولې چې د اسلامي دولت یا داعش ضد مفکوره یې درلودله.

هغه وایی،  په وروستیو کې یې د موصل د ځینو جوماتونو د الوزولو او د یو شمیر زیارتونو د لمنځه وړلو فتوا هم ورکړه چې له ډلې یې یو هم د حضرت یونس علیه السلام مقبره وه.

نوموړي دغه راز ویلي دي چې موخه یې ظاهراً د هغو کسانو له منځه وړل وه چې د امریکایانو ملاتړ له ځانه سره لري  خو دا یې نه دي ویلي چې آیا له امریکایي لوري سره یې هم اړیکې درلودې کنه.

دغه داعشی مفتي چې د زرګونو کسانو د سرپریکولو فتوا یې ورکړې  ۱۳۶کیلو وزن لري، چې د قضا دیوان د وړلو لپاره په ډاټسن موټر کینول شوی وو.

1,533 total views, no views today

onesignal_meta_box_present:
1
onesignal_send_notification:
response_body:
{"id":"919f3d2d-a5c6-4b84-a07d-37db8e3d234f","recipients":883,"external_id":"ace6ff8f-15bb-1667-ce56-93a347767c49","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
883

Leave a Reply

Your email address will not be published. Required fields are marked *

۸