Categories

اعلان

Loading…

طالبان د کندوز ـ بغلان له ډریورانو د زور په اخاذيو د ورځې ۸ میلیونه افغانۍ ترلاسه کوي

تاند، پنجشنبه، د دلوې ۳مه: طالبانو د کندز ـ بغلان پر لویه لار چیک پواینټونه اچولي او له باروړونکو موټرو څخه د مالیې په نوم باج اخلې چې له دې ادرسه یې ورځنی عاید میلیونونه افغانیو ته رسیږي.

سرچینې وایی، په دې لویه لار د مرکزي بغلان ولسوالۍ له مربوطاتو د امنیتي پوستو څخه د نظامیانو له وتلو وروسته، طالبان هره ورځ له دې لارې څخه تیریدونکو موټرو څخه د پیسو په راټولولو بوخت دي.

د سرچینو پر وینا، د کندز ـ بغلان پر لویې لارې ګڼ شمېر تیریدونکو موټرو ته په پام سره ،طالبان هر ورځ له همدې ادرسه نږدې ۸ میلیونه افغاني مالي عاید ترلاسه کوي او ددې پیسو لویه برخه په نظامي تجهیزاتو لګوي.

د بغلان سیمه ییز چارواکي هم دا خبرې مني او خبرداری ورکوي چې په هغه صورت کې چې ددې کار مخه ونه نیول شي په دې ولایت کې به د طالبانو نظامي وړتیا ډېره شي.

د مرکزي بغلان ولسوال ،خانزاده مظلومیار وایي ،طالب جنګیالي له هر باروړونکي موټر څخه د وزن په تفکیک سره د ۲۰ زرو افغانیو نیولي تر ۳۰ زرو پورې افغانۍ اخلې او دا پیسې د جنګي وسایلو او مهماتو په رانیولو لګوي.

د نوموړي پر وینا طالبانو له دې لارې لویو مالي امکاناتو ته لاس رسی موندلی او که ددې فعالیتونو مخه ونه نیول شي ډېر ژر به د دې ډلې نظامي وړتیا څو برابره پورته شي.

ښاغلي مظلومیار زیاتوي، د بار وړونکو موټرو مالکان او سوداګر اړ دې چې دې ډلې ته پیسې ورکړي ګني د سرغړونې په صورت کې یې سوداګریز مالونه سوزول کیږي.

د مرکزي بغلان ولسوال وایي، تر هغه وخته چې فوځي عملیات ترسره نه شي دا بهیر به دوام لري.

422 total views, no views today

onesignal_meta_box_present:
onesignal_send_notification:
response_body:
{"id":"a02479fd-ff27-48f2-8175-9941cc60f8d9","recipients":884,"external_id":"3208c5f2-6ece-f8cc-2ca5-6c9b74f63035","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
884

Leave a Reply

Your email address will not be published. Required fields are marked *

۸