Categories

اعلان

Loading…

اتمر هم سراسري اوربند او جمهوریت خپله سره کرښه وټاکله

تاند، سه شنبه، د دلوې لومړۍ: د ولسمشرۍ نوماند حنیف اتمر د سولې د روانو خبرو اترو په لړ کې د جمهوریت په خوندیتوب او له افغان ځواکونو سره د طالبانو په سراسري اوربند ټینګار کړی دی.

نوموړي له خپل دفتره په تازه نشر شوې خبرپاڼه کې له ټولو سیاسي لوریو غوښتي چې اختلافات ختم کړي او د سولې په اړه ملي اجماع رامنځته کړي.

نوموړي په دغه اعلامیه کې چې د سولې یوه لنډه طرحه هم بلل کېدای شي، ویلي، که چیرې د هېواد سیاسي مشران د افغانستان د اساسي قانون پر بنسټ د اسلامي جمهوري نظام ساتنه خپله سره کرښه وټاکي او په ټول اتفاق نوموړی هدف په بین الافغاني، له امریکا، اروپا او سیمې سره په مذاکراتو کې تعقیب کړي، افغانان به د سولې په مذاکراتو کې له ماتې وژغورل شي.

ښاغلي اتمر ټینګار کړی چې په اوسنیو شرایطو کې د سولې هوکړې ته تر رسېدو وړاندې، د افغان ځواکونو او طالبانو تر منځ سراسري اوربند ته اړتیا ده .

ښاغلي اتمر همدا راز ویلي، د سولې په مذاکراتو کې باید د حکومت استازي، سیاسيون، مدني ټولنې، میرمنې او ځوانان ټول ګډ حضور ولري او ټول په ګډه له نړیوال ضمانت سره د اسلامي جمهوري نظام په ساتنه ټینګار وکړي.

حنیف اتمر زیاته کړې، که چیرې امریکا نه شي کولی، له طالبانو سره د موافقتنامې لاسلیک د بین الافغاني هوکړې سره په یو وخت کړي، نو په وینا یې بیا د افغانستان له پاره حیاتي ده چې د امریکا او طالبانو ترمنځ له موافقتنامې څخه نړیوال ضمانت پر بین الافغاني هوکړې پورې مشروط او وتړل شي او دا ضمانتونه باید په یو وخت کې د دواړو له پاره وي.

دا په داسې حال کې ده چې تر دې وړاندې حکومت هم د طالبانو او امریکا تر منځ د تاوتریخوالي راکمولو طرحه رد کړې او سولې لپاره یې اوربند مهم او اساسي شرط بللی دی.

همدا راز حکومت ویلي چې جمهوریت، اساسي قانون، د بیان ازادي او د وګړو حقونه یې مهمې سرې کرښې دي.

1,032 total views, no views today

onesignal_meta_box_present:
onesignal_send_notification:
response_body:
{"id":"2ab524bc-fb98-49b9-bfb5-11796faae928","recipients":885,"external_id":"f52c97c2-a45c-d866-0827-8eecfe9af147","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
885

Leave a Reply

Your email address will not be published. Required fields are marked *

۸