Categories

اعلان

Loading…

ولس ته محبوب، خو د ناقانونۍ پر ضد جنرال سعادت د ولسمشر پریکړه ومنله

تاند، دوشنبه، د جدي ۳۰مه: د کورنیو چارو وزارت پخواني امنیتي معین جنرال خوشال سعادت ویلي، د ځان په اړه د ولسمشر پریکړه یې په سر سترګو منلې ده.

نوموړي پر خپله فیسبوک پاڼه لیکي د امنیتي معین په حیث یې یوولس میاشتې دنده ترسره کړه او په دې موده کې یې د افغانستان د خلکو د غوښتنو، د ولسمشر د هدایاتو او د افغانستان د نافذه قوانینو سره سم خپله دنده د زورواکو، قانون ماتوونکو او ترهګرو پرضد په پوره تعهد سر ته رسولې ده.

نوموړی وایي، اوس د دې خاورې د یوه عسکر په توګه د جلالتماب جمهور رئيس او د وسله والو ځواکونو اعلی سرقومندان وروستي تصمیم ته کاملا احترام لري: ((هیله لرم چې دا پریکړه د افغانستان د خلکو د قناعت وړ ګرځېدلی وي. ))

په دې لیکنه کې جنرال سعادت نه دي ویلي چې بله دنده ورسپارل شوې که نه خو هغه ته نږدې سرچینې وایي، جنرال کیدای شي په کور کیني.

خوشال سعادت چې د بهرنیانو تر منځ د طالبانو د شکارچي، د جګړې د ډګر د عالم او سکالر او د سیاستوالو تر منځ په بچه فلم مشهور و، څو ورځې وړاندې د ولسمشر په امر د کورنیو چارو وزارت له امنیتي مرستیالۍ لرې شو.

همداراز د هغه پر ځای د امرالله صالح نږدې کس صبور قانع دغه پوسټ ته راوستل شو مګر لا تایید شوې نه ده چې ایا خوشال سادات رښتیا هم د دفاع وزارت د روزنې او پرسونل مرستیال شوی دی که نه؟

پر دغه معینیت تر اوسه پورې منیره یوسفزاده کار کوي.

1,172 total views, no views today

onesignal_meta_box_present:
onesignal_send_notification:
response_body:
{"id":"ce7805da-f5b8-480c-bdc2-f49ace25fe8c","recipients":885,"external_id":"f3d2a292-92d5-1b66-7b5c-6c6a9e1d8c90","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
885

1 comment

  1. razmohammed mohmend Reply

    bbc pashto
    نن بیا کنر کسی پاکستانی فوجیانو او افغان پولیسو جنګ کړی دی۰
    دهمدی کار لپاره ممکن جنرال سادات ګوشه شوی وی۰
    یعنی پاکستان ته شین چراغ ۰ولی سادات پاکستانی فوجیانو ته جوابی عمل کړی وو
    مننه

Leave a Reply

Your email address will not be published. Required fields are marked *

۸