Categories

اعلان

Loading…

شاهین: د جنورۍ د میاشتې تر اخره پورې د سولې هوکړه لاسلیکېږي

تاند، شنبه، د جدي ۲۸مه: د طالبانو د قطر سیاسي دفتر د پوځي عملیاتو کمولو له هوکړې سره هم مهاله ویلي، چې له زلمي خلیلزاد سره یې خبرې مثبتې وې او د روانې جنورۍ میاشتې تر پایه پورې د سولې د هوکړې د لاسلیک امکانات زیات دي.

پاکستانۍ ډان ورځپاڼې له سهیل شاهین سره د مرکې په حواله ویلي، طالب مشرانو له زلمي خلیلزاد سره د تېرې ورځې راهیسې په لیدنو کې د هوکړې د لاسلیک په شپو ورځو کې د بریدونو نه کولو موافقه کړې ده.

شاهین ټینګار کړی چې د اوربند هیڅ هوکړه نه ده شوې یوازې به طالب وسله وال خپل نظامي عملیات کموي: (( دا عملیات به یوازې په بهرنیو ځواکونو نه کمېږي بلکې موږ د ټولو ځواکونو پر وړاندې چې داخلي هم په کې شامل دي خپل نظامي عملیات راکموو.))

نوموړی وايي، کله چې هوکړه لاسلیک شوه، ورسره سم به د هوکړې په نورو مادو هم عمل پیل شي او د اشرف غني په مشرۍ د حکومت له ټولو لوریو سره به کورني مذاکرات هم پیل شي: (( دغو مذاکراتو کې به درې لوري ناست وي.))

نوموړی وايي، له خلیلزاد سره یې مذاکرات د جمعې په ورځ رخصت وو، خو نن شنبه بیا دغه مذاکرات د شیرمحمد عباس ستانکزي په مشرۍ پیل شوي دي.

نوموړی وايي، په دې مذاکراتو کې په بل هیڅ شي بحث نه کېږي بلکې د روانې جنورۍ میاشتې تر اخرو ورځو پورې په یوه نیټه اتفاق کېږي چې کله هوکړه لاسلیک شي؟

دا په داسې حال کې ده چې د طالبانو او امریکا تر منځ مذاکرات څو ځله د هوکړې د لاسلیک په شپو ورځو کې په ټپه درېدلي دي.

646 total views, no views today

onesignal_meta_box_present:
onesignal_send_notification:
response_body:
{"id":"02f0c1cc-5567-4db6-aa3b-1eefc2e45a81","recipients":887,"external_id":"90ca4baf-caef-5295-4d7c-3b32ef4a4f9c","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
887

1 comment

  1. Ajmal Nasar Reply

    د چاسره صلحه ؟ څه ډول صلحه ؟ د چا سره جنګیژی او د چا سره صلحه امضا کوی ؟ څوک وژنی او د چا سره بیا خشونت کموی ؟ د انسانیت سره خیانت کوی ، د اسلامیت سره دشمنی کوی ، د افغان سره د ښمنی کوی ، د افغانستان سره دښمنی کوی ، د رسول الله سره دښمنی کوی او د الله تعالی سره دښمنی کوی ، لعنت دی بر تاسو وی ، باور ولری چه د افغانستان ملت او جهان نشی غولولای هیڅ افغان به مو بیا امارت او انانیت ونه منی ، هسی د پردیو په غیږ کی لوبیږی و لوبیژی د یوڅه مقدار روپیو د پاره ، په عربو کی میلی او عیش وعشرت کوی او خپل ناروا جګړیز او تریستی تجارت ته دوام ورکوی . ځان مو وشرماوه ، اسلام مو بدنامه کړ ، افغان مو بدنامه کړ ، افغانستان مو بد نامه کړ او دافغانستان او اسلام تاریخ مو وشرماوه !

Leave a Reply

Your email address will not be published. Required fields are marked *

۸