Categories

اعلان

Loading…

پسرلى” د ملايکو مېلمه سو| محمدابراهیم سپېڅلی”

د اسمان مخ خړو وريځو پوښلى دى.

خړه او توره وريځ غوړمبيږي.

يخ تر مخکنيو کلنو زور اخيستى

اووه ورځي تېري سوې،خو د لمر مخ مو نه دى لېدلى.

د تورو او خړو وريځو اوښان غوريږي، خو اوريږي نه

  اوبه يخى سوي دي.

کوچنۍ ماشومه د مور په غېږ کې ټوخيږي.

يخ وهلې ده.

پلار يې د يخ له لاسه مزدورې نه ده کړې

د نمجني خوني په منځ کي پر صندلۍ زوړ تلتک هوار دى.

په انګيټۍ کي اور نه سته.

د ماشومي نجلۍ مور تور لوغړن څادر پر ځان راتاو کړى او د پښې په ښورولو ناروغه لور وېدوي.

يخ ترمخکنيو کلنو زور اخيستى

تېز باد د لغړو ونو وچ ښاخونه ارام ته نه پرېږدي

مرغۍ هم له غارونو نه دي راوتلي

آه ! څه به يې خوړلي وي ؟

ايا مرغۍ به هم د ناجوړي کوچنۍ نجلۍ په ډول وږي تږي وي؟

د تورو او خړو وريځو اوښان غوريږي، خو اوريږي نه

ټول د (پسرلي) په تمه دي.

پسرلى به راسي، هوا به ښه سي.

وني به په پاڼو پټي سي.

د ماشومي نجلۍ پلار ته به مزدوري پېدا سي

پرصندلي غوړولى زوړ تلتک به ټول کړي.

کوچنۍ نجلۍ به نوره نه ټوخيږي.

(پسرلى) به راسي، هوا به ښه سي

کوچنۍ نجلۍ به ښوونځي ته روانه سي.

وږي،تږي مرغان به د غارونو پرځاى په ونو کي ځالي جوړي کړي

ټول (پسرلي) ته تمه دي.

د وريځو ويرونکي اوښان به د لمر له مخه ليري سي.

اسمان به شين سي.

طبيعت به نوې سا واخلي.

ټول ( پسرلي ) ته په تمه دي

د ټولو تمه د خوب ليدل دي!!

(پسرلي) له موږ سره مخه ښه وکړه

(پسرلى) زموږ څخه د تل لپاره بېل سو

پسرلى، زموږ د هيلو پسرلى، د تل لپاره زموږ څخه رخصت سو.

 (پسرلى) د ملايکو مېلمه سو.

(پسرلى) له دې وروسته، له ملايکو سره اوسي

١٥- ٠١ – ٢٠١٤ کندهار، نوى ښار

محمدابراهيم ( سپېڅلى)

381 total views, no views today

onesignal_meta_box_present:
1
onesignal_send_notification:
response_body:
{"id":"ecf6d3ef-0999-40ec-9567-b04cca32642b","recipients":891,"external_id":"3f864a73-9e68-0ccd-89eb-42abe79494e8","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
891

Leave a Reply

Your email address will not be published. Required fields are marked *

۸