Categories

اعلان

Loading…

قهر- د نزار قباني شعر/ ژباړه: اجمل پسرلی

غصه شه

چې څنګه دې زړه غواړي

احساس مې راټپي کړه، چې څنګه دې زړه غواړي

مات کړه ګلدانونه، ټوټې کړه ایینې

تهدید مې کړه چې بله کړم ملګرې

چې څه وایې هغه وایه

چې کوې هغه کوه

ته،

د ماشومانو په څير

ګرانوم یې چې هرڅومره بد کوي

غصه شه

انقلاب سره ته نوره ښایسته شې

غصه شه

که موج نه وي بحر نه وي..

توپان شه… باراني شه..

زما زړه همیش غفور دی

غصه شه

زه دې ګواښ ته پټه خوله یم

ته یې شیطان کوچنی

ډکه له غروره …

مرغان څنګه انتقام له بچو واخلي؟

ورځه

کله چې مړه شوې له ما

نصیب کړه ملامت او ما کړه تهمتي..

زه به

په اوښکو او په غم بسنه وکړم..

چوپتیا لویي ده

ویاړلی غم دی

ورځه

که ستړې شوې له پاتیدو یې

مځکه له عطرو ډکه، مځکه له ښځو ډکه

زرغونې سترګې، تورې سترګې ډيرې

که دې غوښتل زما دیدن ته راشې

چې د ماشوم غوندې محتاجه زما مینې ته شې

راوګرځه دې زړه ته چې کله دې زړه غواړي

ته یې هوا زما په ژوند کې

ته یې مځکه، ته اسمان یې

غصه شه چې څنګه دې زړه غواړي

ورځه، چې څنګه دې زړه غواړي

یوه ورځ به خامخا بیرته راګرځې

او پوه شوې به یې څه وله وفا

پای

721 total views, no views today

onesignal_meta_box_present:
1
onesignal_send_notification:
response_body:
{"id":"4657eb24-f899-49e0-8320-6319713ce962","recipients":902,"external_id":"1d204a9a-d4ba-ebb4-dc29-f41119398af3","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
902

Leave a Reply

Your email address will not be published. Required fields are marked *

۸