Categories

اعلان

Loading…

د ملي امنیت شورا خبرپاڼې

د ملي امنیت سلاکار په کابل کي د اسټرالیا سفارت له شارژدافېر سره ولیدل

۰۹ مرغومی ۱۳۹۸

د افغانستان د اسلامي جمهوریت د ملي امنیت سلاکار ډاکټر حمدالله محب نن په کابل کي د اسټرالیا سفارت د شارژدافېر پیټر ټروسویل سره ولیدل.

په دې لیدنه کي د دواړو هیوادونو ترمنځ د همکاریو پر زیاتوالي او د افغانستان د سولي پر پروسې خبري وشوې.
ښاغلي ټروسوېل وویل، چي هیواد یې د افغانستان د سولي له پروسې ملاتړ کوي او امادګي لري، چي په دې برخه کي هر راز لازمه همکاري وکړي.

د ملي امنیت سلاکار د سولي پروسې په برخه کي د اسټرالیا له ملاتړه مننه وکړه او زیاته یې کړه، چي افغانستان هیله لري، څو دا پروسه له مثبتو نتایجو سره مل سي.

نوموړي زیاته کړه، چي د سولي په پروسه کي باید د اعتماد جوړوني لپاره لازم اقدامات وسي او د سیمي د هیوادونو له ادرسه له دې پروسې سره رښتینې همکاري وشي.

د امنیتي سکتور د رهبرۍ ناسته جوړه سوه

۰۹ مرغومی ۱۳۹۸

د امنیتي سکتور د رهبرۍ ناسته د ملي امنیت د سلاکار ډاکټر حمدالله محب په رهبرۍ جوړه شوه.

په دې ناسته کي په یو تعداد ولایتونو کي د مخابراتي شرکتونو پر فعالیت او امنیت، د محافظت د ملي تصدۍ پر رول او ټولني ته د تسلیم شوو جنګیالیو پر مجدد ادغام بحث او په ارتباط یې لازمي پرېکړي وشوې.

په نني مجلس کي پر دې هم بحث وشو، چي په ولایتونو کي باید د ټولو خصوصي مخابراتي شرکتونو فعالیتونه منظم شي، ترڅو هیوادوالو ته په دایمي توګه خدمات وړاندي کړي.

د ملي امنیت سلاکار د سوله ییز بدلون بنسټ له غړو سره د سولي پر پروسې لیدنه وکړه
دوشنبه د مرغومي ۹ مه، کابل
د افغانستان د اسلامي جمهوریت د ملي امنیت سلاکار ډاکټر حمدالله محب د سوله ییز بدلون بنسټ له غړو سره په هیواد کي د سولي د رواني پروسې په اړه لیدنه وکړه.
د یاد بنسټ غړو وویل، دوی غواړي له افغان حکومت او په کور دننه له نورو ښکېلو خواوو سره د یوې دوامداري او باعزته سولي د راتګ لپاره په ګډه کار وکړي.
هغوی زیاته کړه، چي د تېرو اتلسو کلنو د لاسته راوړنو حفظ، د جمهوریت تحقق او د هیواد د اتباعو د مدني حقونو ساتنه د دوی لپاره په سوله کي لومړیتوبونه دي او هیله لري، چي دولت ددې برخو په نظر کي نیولو سره د سولي لپاره د ملي اجماع په ایجاد کي کار وکړي.

د ملي امنیت سلاکار ډاکټر حمدالله محب د یاد بنسټ له غړو مننه وکړه، چي د سولي لپاره یې ږغ پورته کړی او غواړي د افغانانو ددې دایمي ارمان لپاره فعالیت وکړي.
هغه وویل، چي پایداره سوله په هیواد کي دننه د ملي اجماع ترڅنګ یوه لوی ملي بحث ته هم اړتیا لري، څو ټولو خلکو او ښکېلو غاړو ته د سولي او اړوندو مراحلو په اړه لازم پوهاوی ورکول سي.
نوموړي زیاته کړه، چي د افغان سولي لپاره د داخلي ملي اجماع او بحث جوړېدو ترڅنګ د سیمي او نړۍ په کچه هم باید اجماع ایجاد او د ټولو بېروني ابعادو په نظر کي نیولو سره منسجم اقدامات وسي.
ډاکټر محب یادونه وکړه، چي سوله باید د ټولو جنګونو پای وي، نه داسي، چي د سولي په نوم افغانان سره ووېشل سي او تر لنډي مودې وروسته بیا د نورو ډلو له ادرسه د جنګ لړۍ دوام ومومي.

د ملي امنیت سلاکار د تخار ولایت د اشکمش ولسوالۍ له خلکو سره ولیدل

۰۷ مرغومی ۱۳۹۸

د افغانستان د اسلامي جمهوریت د ملي امنیت سلاکار ډاکټر حمدالله محب نن د تخار ولایت د اشکمش ولسوالۍ له قومي او ځايي مشرانو ولیدل.

په دې لیدنه کي د هغې ولسوالۍ پر امنیت، له غیرو مسؤلو مسلحو ګروپونو سره پر مبارزې او د وضعیت د بهبود په خاطر د محلي خلکو پر همکاریو خبري وسوې.

د یادي ولسوالۍ مشرانو د ملي امنیت له سلاکار څخه غوښتنه وکړه، چي امنیتي ستونزو او د محل په کچه نورو ایجاد سوو ننګوونو ته یې رسیدګي وکړي.

د ملي امنیت سلاکار په دې ناسته کي وویل، چي د حکومت رهبري او په خاصه توګه د امنیتي نهادونو مسؤلین يې له ستونزو خبر او په اړه یې له وړاندي اقدامات پيل سوي دي.

نوموړي زیاته کړه، چي مرکزي ادارې په محلي کچه د امنیت او حکومتدارۍ د سمون لپاره لازمو اصلاحاتو ته ژمني دي او په دې برخه کي د محلي کدرونو او مشرانو له ظرفیتونو ګټه پورته کول یې لومړيتوب دی.

442 total views, no views today

onesignal_meta_box_present:
onesignal_send_notification:
response_body:
{"id":"b90f1e4c-185c-406c-9452-6e5b9907664b","recipients":903,"external_id":"d150f63c-9b69-cc8c-9e31-35d757ad68f1","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
903

Leave a Reply

Your email address will not be published. Required fields are marked *

۸