Categories

اعلان

Loading…

د تایرویید د غدې سرطان | نګین کرګر 

سرطان، په وجود کې  د حجراتو غیر طبیعي وده بلل کیږي.

سرطان هغه وخت رامینځته کیږي چې: د وجود طبیعي میکانېزم نور کار ونکړي. نوې حجرې رامینځته  شي او دغه حجرې دومره لوی شې چې، نسج ترې جوړ شي. دا نسج بیا په تومور یا (ګنډو) بدل شي.

سرطان د غیر طبیعي ډي ان ای/جین او سرطان پیداکوونکو موداو لکه  سګرټو، نسوارو، د لمر  له وړانګو او یا نورو نشه یي او زهري موادو څخه پیدا کیږي.

ډېر خلک به د تاییروید د غدې نوم اوري، دا غده په ستوني یا مرۍ کې ده چې د پتنګ بڼه لري. ځیني خلک یې جاغور بولي. د تاییروید غدې سرطان، ډېر پیدا کیدونکی سرطان نه دی. د ا سرطان زیاتره  له دیرش کلنۍ نیولي تر شپیته کلنۍ پوري، عمرونو کې پیدا کیږي. د تایرویید سرطان زیاتره په میرمنو کې ډېر موندل کیږي.

د تاییروید غدې سرطان څلور ‌‌‌‌‌‌ډوله دی چې زیاتره یې د درملنې وړ دي.

ددې سرطان نښې نښانې د غاړې پړسیدل یا د ستوني د لمفاوي غدواتو پړسوب، د ستوني سخت درد او په خوراک کې ستونزه درلودل دي.

دا سرطان د تاییروید غدې په  ډي ان ای کې، د تغیراتو له امله رامینځه  کیږي. ددغو تغیراتو یو لامل چاغښت یا غټوالی ، د غدې زیات یا کم فعالیت، د نمو یا ودې د هورمون د زیات  ترشح له امله مینځته راځي.

د استروید هورمونونو غیر نورمال ترشح ، چې د اضطراب او تشویش سبب ګرځي هم په تاییروید اغېزه کوي.

که د تایرویید سرطان  په وخت سره تشخیص نشي، کیدای شي چې سږو، د ویني لمفاوي سیستم او د هډوکو مغز ته خپور شي.

دغه سرطان زیاتره وخت د میتاستاسیزغړي لمفاوي غدو ته  هم خپریږي.

ددی سرطان جراحي یا عملیات د ایوډین راډیواکټیف وړانګو او یا د کیمتیراپي په مرسته کیدای شي.

په دغه ‌‌‌‌‌‌ډول سرطان کې ناروغ باید خوراکي رژیم  یا پرهېز ولري.  د مالګې استعمال بند کړي، له لبنیاتو، سره کړي شویو خوراکونو، وچې ‌‌‌‌‌‌ډو‌‌‌‌‌‌ډۍ څخه پرهېز وکړي.  او له ترکاریو څخه لکه کرم اوګلپی اوهمدارنګه دماهي له خوراک څخه ډډه وکړي.

له جراحي یا عملیاتو څخه وروسته، د ناروغ عمر پنځه کاله اټکل کیږي. خو په دې شرط چې سرطان بیا خپور نه شي.

onesignal_meta_box_present:
1
onesignal_send_notification:
response_body:
{"id":"5e01543f-bc45-4d47-a610-4e23826eeb11","recipients":903,"external_id":"03c34497-1387-8331-3b47-e6d3ace563e7","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
903

Leave a Reply

Your email address will not be published. Required fields are marked *

۸