Categories

اعلان

Loading…

د کيسو کيسې، د ايمل پسرلي نوى کتاب چاپ شو

په کابل کې د سروش خپرندويې ټولنې د پښتو داستاني اثارو د کره کتنې کتاب، د کيسو کيسې، چې  ايمل پسرلي ليکلى دى چاپ کړ.

د ١٦٠ مخونو په دې اثر کې  د شهيد موسى شفيق کيسو ته کتنه شوې ، د ارواښاد استاد شپون پر ناولونو له هغوى سره مرکه او پر داستاني مسايلو بېلا بېل بحثونه شته.

په دې کتاب کې د گڼو اغليو او ښاغليو پر لنډو کيسو خبرې شوې دي.

د کيسو کيسې د کره کتنې په برخه کې په دې بېل اثر دى چې له ليکوالانو سره د هغوى پرليکنو خبرې شوې دي او د هغوى نظر هم پرې راغلى دى.

په دې کتاب کې  د اغليو شفيقې خپلواک، صفيې وردگ، پاکيزې ارزو، فرېبا ظاهر پر کيسو خبرې شوې دي.

د ښاغلي اکبر کرگر پر ناول د غوايي هډوکو پر سمبوليک اړخ خبرې شوي، د ښاغلي وکيل سوله مل شينواري په کيسو کې سوژې يادې شوي.

د ښاغليو  عابد، نور سعيد، صديق الله بدر، ډاکټر  محب الله زغم  او يو شمېر نورو ليکوالو پر کيسو هم ليکنې شته.

دا د ايمل پسرلي ١٧ کتاب دى. تر دې وړاندې د دوى د لنډو کيسو نهه ټولگې، دوه ناولونه او د ډرامو يوه ټولگه هم چاپ شوې ده.

د افغانستان د کرېکت تاريخ، او په ١٩ مه پېړۍ کې افغانستان د برتانيا له سترگو يې دوه نور کتابونه دي.

د ژورناليزم خبريالي او د تلويزيون خبريالي يې د ژورناليزم په ډگر کې دوه چاپ شوي کتابونه دي.

په کابل کې د سروش خپرندويه ټولنې د دې کتاب لپاره ١٠٠ افغانۍ بيه اېښې او وايي د افغانستان په لرو بر کې يې لوستونکي له کتابپلورنځيو ترلاسه کولى شي.

892 total views, no views today

onesignal_meta_box_present:
1
onesignal_send_notification:
response_body:
{"id":"da3b84e9-e5ef-4089-8614-c53eef6b9745","recipients":916,"external_id":"724bbcf9-e3c5-e148-0678-c08876b6c344","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
916

Leave a Reply

Your email address will not be published. Required fields are marked *

۸