Categories

اعلان

Loading…

افغان حکومت د حج پروسه هم په بشپړ ډول الکترونیکي کوي

تاند، شنبه، د قوس ۲۳مه: د حج و اوقافو وزارت له مخابراتو وزارت سره یو تړون لاسلیک کړ چې له مخې به یې د حاجیانو د طی مراحل پروسه له دې وروسته بریښنايي کېږي.

 دا تړون نن د مخابراتو د سرپرست وزیر فهیم هاشمي او د حج و اوقافو وزارت د سرپرست عبدالحکیم منیب تر منځ لاسلیک شو چې د پلي کولو چارې به یې د اسان خدمت ادارې پر غاړه وي.

ښاغلی هاشمي وايي، د دې کار ګټه به یې دا وي چې د حاجیانو کار به ډېر لنډ وخت کې د اسنادو د طی مراحل په برخه کې تکمیلېږي او نوم ثبتونه به یې کېږي: (( د اسان خدمت له لارې به د حج اوسنۍ پروسه مطالعه کوو او الکترونیکي سیستم به ورته جوړوو، همدا راز به د تړون له مخې د حج و اوقافو وزارت د کارمندانو ظرفیت لوړونې ورکشاپونه هم ترسره کوو.))

نوموړی وايي، له دې وروسته به د حج په ټولو مراحلو نوم ثبتونه، پاسپورټ، ویزې، تګ راتګ، د عمارې، د پیسو تحویل، معلوماتو او نورو برخو کې الکترونیکي سیسټم کارول کېږي: (( په پښتو، انګلیسي او دري ژبو عیار دا سیسټم به د خدماتو په ارایه کې تر ټولو لوی اقدام وي چې عواید او مصارف به ورسره کنترول شي.))

 بلخوا د حج و اوقافو وزارت سرپرست هم د حج د پروسې د لا شفافیت لپاره الکترونیکي سیسټم لوی اقدام او اسانتیا وبلله.

افغانستان هر کال له ۳۰ زرو زیات حاجیان سعودي ته استوي چې په پروسه یې د جنجالي توب له وجې ډېرې نیوکې کېږي.

514 total views, no views today

onesignal_meta_box_present:
onesignal_send_notification:
response_body:
{"id":"ddb723a2-f199-406f-ba86-c8a52b47bb4f","recipients":921,"external_id":"dcb7f852-8472-2018-8a63-8822fec4b10d","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
921

Leave a Reply

Your email address will not be published. Required fields are marked *

۸