Categories

اعلان

Loading…

طالبانو سږ کال غور کې اووه مخابراتي پایې الوځولې دي

تاند، شنبه، د قوس ۲۳مه: طالبانو سږ کال په غور ولایت کې د مخابراتي شبکو اووه پایې په بمونو تخریب کړې دي.

ځايي مسوولان وايي، طالبانو له دغو مخابراتي شبکو غوښتنې لرلې چې د نه منل کېدو په صورت کې یې طالبانو مخابراتي پایې الوځولې دي.

 د غور ولایت د مخابراتي خدمتونو یا اترا مشر سید میر غفوري وايي، دا مخابراتي انتنونه په تیوره، پسابند، شهرک، تولک او فېروز کوه ولسوالۍ کې تخریب شوي دي چې له کبله یې په دغو سیمو کې مخابراتي خدمتونه هم په ټپه درېدلي دي.

له تاند سره په خبرو کې د غور د ولایتي شورا غړی عبدالحمید ناطقي دا وضعیت د اندېښنې وړ بولي او وايي، د طالبانو لخوا د مخابراتي پایو او ستنو تخریبولو خلک په ورځني ژوند کې له ستونزو سره مخ کړي دي: (( د مخابراتي خدمتونو قطع کېدو د خلکو تر منځ مخابراتي اړیکې هم پرې کړې دي او دا یوه ورځ نه ده، له مودو راهیسې دا ستونزې د غور خلک ګالي.))

  خو د غور د والي ویاند عبدالحی خطیبي بیا وايي، په هغو سیمو کې چې مخابراتي پایې تخریب شوې دي، د طالبانو د نفوذ ساحې دي او بیا هلته د مخابراتي شبکو فعالول یا یې د امنیت ټینګښت سخت کار دی.

 د اترا د معلوماتو له مخې طالبانو سږ کال په ټول هېواد کې ۲۲۱ مخابراتي پایې تخریب کړې دي چې زیاتره یې د سلام شبکې اړوند دي.

275 total views, no views today

onesignal_meta_box_present:
onesignal_send_notification:
response_body:
{"id":"29460fb7-54fd-4eaa-aedb-db30414bd15c","recipients":922,"external_id":"cad92fa1-6eb4-8a1d-80a9-7cf2a64eb2bf","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
922

Leave a Reply

Your email address will not be published. Required fields are marked *

۸