Categories

اعلان

Loading…

د ناکامورا د ایرو یوه برخه به په افغانستان کې خاورو ته وسپارل شي

تاند(جمعه، د قوس ۲۲) جاپاني رسنۍ وايي، په افغانستان کې د وژل شوي جاپاني الاصله افغان ډاکتر تیڅو ناکامورا د ایرو یوه برخه به د نوموړي له وصیت سره سم په افغانستان کې خاورو ته وسپارل شي.

د جاپان د جې آی جې آی پریس د راپور له مخې، ډاکتر ناکامورا ته یوه نژدې کس د پنجشنبې په ورځ وویل چې نوموړي تر وژل کېدو وړاندې هیله کړې وه چې که مړ شو نو د ایرو یوه برخه دې یې په افغانستان کې خاورو ته وسپارل شي.

ناکامورا په ځلونو له افغانستان او په تېره بیا د افغانستان له ختیځو سیمو سره مینه ښکاره کړې وه او ویلي یې و چې دا سیمې هماغسې پرې ګرانې دي لکه څومره چې زېږنځای فوکوکا (Fukuoka) پرې ګران دی.

په افغانستان کې د جاپان د بشري مرستو د موسسې پېښور- کای (Peshawar-kai) مرستیال استازي ۶۴ کلن افغان ډاکتر ضیاالرحمن د جاپان په جنوب لوېدیځ ښار فوکوکا کې یوې خبري غونډې ته د خبرو په مهال د ناکامورا په قول وویل چې نوموړي هیله لرله چې که مړ شو نو د افغانستان په ګمبیري (دښته) سیمه کې دې خښ شي.

د ناکامورا په هڅو د ګمبیري دشته په یوه ښرازه سیمه بدله شوې ده.

د ډاکتر ضیاالرحمان په وینا د ناکامورا خپلوانو له دې نظر سره موافقه کړې وه چې د نوموړي مړی دې په کمبیري دښته کې خاورو ته وسپارل شي.

د ناکامورا وروستي مراسم د چهارشنبې په ورځ په ځای شول.

نوموړی د روان دسمبر په څلورمه په جلال اباد ښار کې له ۵ نورو افغانانو سره ووژل شو.

1,829 total views, no views today

onesignal_meta_box_present:
1
onesignal_send_notification:
response_body:
{"id":"4edb5cbd-3468-4970-bab0-16ee93744da9","recipients":922,"external_id":"95e5ac83-b757-872d-aa33-c13f8c75df27","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
922

7 comments

  1. Burhanullah Shinwari Reply

    ډاکتر ناګامورا د افغانانو د زړونو پاچا او د ابادی اتل وه روح د ی ښاد او یادونه دی همیشه تازه او تاند وی زه د داکتر ناکامورا د هځو درناوی او ستاینه کوم دا هم د دهغه د افغاننو د مینی یو ثبوت دی ه

  2. شمی Reply

    بس دی ته وایی مینه

  3. اسدالله بلهار جلالزی Reply

    د کامورا د ایرو – نه هیرو – یوه برخه به په افغانستان کې خاورو ته وسپارلې شي.

  4. شاهین افغان Reply

    په پښتو کې د یوه شي له سوځېدو وروسته پاتې شونو ته ایره وایي . البته هېر ، هېرول ، هېرجن ، هېرونکی بله کلمه ده چې د فارسي له فراموش سره مطابقت کوي.

    1. تاند Reply

      له اصلاح مو ډېره زیاته مننه
      تاند

  5. سلیم Reply

    ناکامورا! ته اېرې نه یې، ته اور یې؛ د انسانیت اور د و طنپالۍ اور. ته ایله اوس بل شوې، ته ایله اوس ابدي شوې. څوک وایي ته اېرې شوی یې؟؟؟

  6. ملا پیاز ګل جذباتي Reply

    ایرې سمه بڼه ده، هیرې مو بلې خواته بیايي، ناکامورا مه هیروئ .

Leave a Reply

Your email address will not be published. Required fields are marked *

۸