Categories

اعلان

Loading…

د جرګه مار نیوکه/ محمد نعمان دوست

 د سه شنبې د سهار لس نیمې بجې دي. د سورلۍ موټر مو د ماهیپر له دنګو او وچو غرونو ستړی ستومانه راښکته شو. رفتار یې ورو کړ. لکه کوم قوماندان چې له حج نه راغلی وي، لکه د کلي د ملک د زوی واده چې وي، بیشماره موټر ورو ورو روان وو. موټر ودریدل. ډیر ځنډ خلک په موټر کې ناست وو، خو انتظار اوږد شو. موټرو کې ناستو کسانو دروازې خلاصې کړې او یو یو ترې را ښکته کیده. ما ویل که د جګړې کلونه دي. تورخم کې یم. انصارو وروڼو راباندې سرحد تړلی. خو کابل کې تنظیمي جګړه ده.

ښاریان له وطنه په وتلو دي او مخ په دروازه ډله ډله روان دي. ما ویل که چهار اسیاب کې یم، د چهار اسیاب واکدار له رباني سره په دښمنۍ کې د کابل دروازه تړلې. اوړه، غوړي او نور خوراکي مواد یې پرې بند کړي دي، خو خلک وږي دي وهل ډبول قبلوي خو خوراکي مواد ورسره دي او مخ په کابل روان دي. خو دا یو حالت هم نه و. دا ځای پلچرخي ته څیرمه سیمه ده. دواړو خواوو ته غرونه دي، منځ کې خړ سیند روان دی. کابل کې امن دی، د ژوند چارې ښې روانې دي.

خو خلک نه ور پریږدي. سر کار ته د اطرافونو خلک ورانکاري ښکاري. باور پرې نلري. له موټرو سره یې نه پریږدي. کابل کې جرګه پیلیدونکې ده. دا جرګه به د امریکا له متحده ایالاتو سره د امنیتي تړون د رد او تایید په اړه په پټو سترګو پریکړه کوي. د جرګې غړي د افغانستان او سیمې اوضاع نشي تحلیلولی، د تړون له منځه خبر نه دي.

په دې نه دي خبر چې دا سند په اوسنيو شرایطو کې د افغانستان په خیر دی او که شر؟ خو دوی به هغه چاته ګوري چې ورسره راغلي دي. لکه ولسي جرګه کې چې کله کوم ډلې ټپلې والا وکیل سور کارت پورته کړي او پلویان یې هم د هغه تقلید وکړي.

سرکار نه دی خبر چې دې جرګې خلکو ته څومره ستونزې جوړې کړي دي؟ سر کار هغه میرمنې نه ویني چې په یوه لاس کې یې پنډوکی دی ، پر اوږه یې ماشوم سر ایښی او پیاده د ولاړو موټرو په منځ کې روانې دي. ما سره موټر کې ناست سپین ږیری غوسه شو. هغه ویل: بابا! دا څه ریشخند دی؟ خو ما د هغه د غوسې سړو هڅه کوله. ویل مې: بابا! په دې مه خپه کیږه. خیر دی، که په دې کار امنیت راځي او د کابل ښاریانو سرونه خوندي کیږي، نو هیڅ خبره نه ده.

خو هغه ماته هم غوسه شو، په لوړ غږ یې وویل: د څه شي امنیت؟ د چا مخه چې باید نیول شوې وای، ونه نیول شوه. هغه ورته هملته ورسول شو، ځان یې والوځاوه، خپل ځان یې هم ټوټه ټوټه کړ او نور یې هم په وینو ولمبول. تاته وایم! څه فکر کوئ، هغه له جلال اباده واسکټ سره تللی و؟ نه…

سپین ږیری غلی شو او بیا یې په نرم انداز خبرې شروع کړې: ګوره! زموږ د سرکار ټول حرکتونه نمایشي دي. دوی یا ساده دي، نه پوهیږي او یا د خلکو ځورولو نه خوند اخلي. بوډا د بیلګې په توګه د شیر سرخ د لویې جرګې کیسه وکړه او ویل یې چې دغه جرګه څو ورځې په خلاص میدان کې وه، هر څوک ورتللی شو. جرګې وايي همدې ته چې په سپین میدان پرته له کومې ویرې ترهې سره خلک راټول شي. بابا، ویل چې د جرګې مخالف نه دی، خپله جرګه مار دی، خو اوسني شرایط داسې لویې جرګې ته جوړ نه دي. د جرګې ګډونوال چې هره لحظه د چاودنې او وسلوالو حملو په ویره کې وي، هغه به څنګه په ارام مغز پریکړه وکړي؟ په خبرو کې یې ولویدم: ښه نو څه باید شوي وای؟ د تړون موضوع مهمه ده او دا مهمه موضوع مهمې پریکړې ته اړتیا لري. بابا، راته ځواب کې وویل: ګوره، یو لس کسیز کمیسیون به یې جوړ کړی و. دې کې به د حقوقو،سیاسي، نظامي، اقتصادي چارو کارپوهان راټول شوي وو، هغوی به په پوره دقت د تړون متن څیړلی و، افغانستان ته به یې د هغه ګټې او زیانونه په ګوته کړي وو او بیا به یې ولس ته ویلي و چې دغه یې ګټې او دغه یې زیانونه دي. ګټې یې له زیانه ډیرې دي نو باید لاسلیک شي او یا دا چې زیانونه یې له ګټو ډیر دی، نو باید رد شي. هغه زیاته کړه: وه ځوانه! په خدای قسم که د جرګې غړي دومره ماغزه ولري چې تړون وڅیړي، ګټې او زیانونه یې پرتله کړي او بیا خپله پریکړه وکړي. دا یو بيځایه مصرف دی.

د خلکو ځورول دي او وخت عبث تیرول دي. بوډا دا هم ویل: ګوره، ځانمرګی برید د همدې جرګې د خرابولو په هدف وشو، له لسو ډیر کسان یې ووژل. څه باور دی، کیدای شي نورې امنیتي پیښې هم رامنځ ته شي. بابا، دا هم ویل چې دولت دې هغه وخت لویې غونډې جوړې کړي چې د جوړولو توان یې پیدا کړي، چې د خلکو د سر امنیت وشي ساتلی. د خلکو له ژوند سره دې لوبې نه کوي. رعیت ته دې ستونزې نه جوړوي. خدای خبر، سرکار به د بابا خبرو ته څه ځواب لري؟ محمد نعمان دوست، جلال اباد ګرداب ورځپاڼه ( د لړم ۲۵مه،۱۳۹۲)

218 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2