Categories

اعلان

Loading…

د ماشومانو د حقونو قانون بالاخره په ۱۴۶ موافقو او ۳ مخالفو رایو تصویب شو

تاند، دوشنبه، د قوس ۱۸مه: ولسي جرګې د ماشومانو د حقونو په اړه تقنیني فرمان له څو کلن ځنډ وروسته د رایو په اکثریت نن تصویب کړ.

د ماشومانو د حقونو په اړه د ولسمشر ۳۶۲ ګڼه دا تقنیني فرمان په ۱۶ فصلونو او ۱۰۸ ماد کې نن د ښځو د حقونو کمېسیون د جرګې عمومي مجلس ته وړاندې کړ.

 په دغه فرمان نن هم لانجه وشوه او د تقنین کمېټې مشر نذیر احمد حنفي وویل، په دې قانون کې د ماشوم د عمر تعین اسلامي نه دی او که تعدیل په کې رانه شي مجلس به تحریم کړي: (( د دې قانون په یوه ماده کې ماشوم تر ۱۸ کلنۍ کم عمره کس بلل شوی، خو په قران او حدیثو کې ماشوم هغه دی چې د بلوغ نښې په کې نه ښکاري.))

 نوموړي ټینګار وکړ چې د ماشومانو د حقونو د تقنیني فرمان دا ماده د اساسي قانون خلاف ده اوو باید چې د بلوغ علایم په قانون کې ذکر شي.

خو عبدالقیوم سجادي بیا وویل، په دې د تقنین کمېټې په دې قانون کې د مصوونیت او شرعي تکلیف بحثونه مختلط کړي دي او دا قانون د اسلام له نظره هیڅ ستونزه نه لري.

  په همدې حال کې د ښځو د حقونو کمېسیون مشرې ناهید فرید هم وویل، چې په قانون کې د ماشوم د عمر ذکر په امنیتي لیکو کې د هغوی د جذب د مخنیوي لپاره شوی دی او کومه ستونزه نه لري.

 بالاخره په جلسه کې ناستو ۱۰ نه تر ۱۵ پورې وکیلانو د جرګې د نصاب د ماتولو په خاطر جلسه ترک کړه، خو بیا هم ۱۴۶ وکیلانو دا قانون تایید کړ او یوازې ۳ سره کارتونه یې هم پر ضد جګ شول.

 د یادونې ده چې د ماشومانو د حقونو د خوندیتوب قانون له کلونو راهیسې په ولسي جرګه کې د سن په برخه کې د ستونزو له کبله پروت و او تر اوسه تصویبېده.

464 total views, no views today

onesignal_meta_box_present:
onesignal_send_notification:
response_body:
{"id":"acf8fe45-f3b7-4dcb-b1be-92284b03d612","recipients":924,"external_id":"997ddf6f-327b-7405-9e18-c7e3b4b3fbc3","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
924

Leave a Reply

Your email address will not be published. Required fields are marked *

۸