Categories

اعلان

Loading…

کمېسیون، ټاکنیزو ډلو ته: که د رایو د شمېرنې اجازه نه راکوئ، موږ لومړنۍ پایلې اعلانوو

تاند، شنبه، د قوس ۱۶مه: د ټاکنو کمېسیون مشرې حوا علم نورستانۍ ګواښ کړی که د ټاکنیزو ډلو لخوا د رایو د بیا شمېرنې مخنیوی دوام پیدا کړي، دوی به د ټاکنو لومړنۍ پایلې اعلان کړي.

 مېرمن نورستانۍ ویلي، ټاکنیزې ډلې باید په پاتې اووه ولایتونو کې د رایو د بیا شمېرنې اجازه ورکړي: (( موږ مجبور یوو چې بیا کېنو او یوه پرېکړه وکړو او هرڅه له افغان ملت سره شریک کړو، موږ په د دې وضعیت په دوام د پایلو اعلان ته مجبورېږو.))

 دا په داسې حال کې ده چې د عبدالله عبدالله پلویانو په ۷ ولایتونو کې د ټاکنو دفترونه تړلي دي او د کمېسیون کارمندانو ته د رایو د بیا شمېرنې اجازه نه ورکوي، چې په اړه یې د ټاکنو د دارالانشاء مشر

حبیب الرحمن ننګ د شکایتونو له کمېسیون څخه مرسته غوښتې ده.

ښاغلی ننګ وايي: (( موږ د شکایتونو له کمېسیون غواړو چې په دې برخه کې له موږ سره د قانون مطابق مرسته وکړي، تر څو په اووه ولایتونو کې د رایو د بیا شمېرنې پروسه پيل کړو.))

 دا په داسې حال کې ده چې د ټاکنو یو نوماند رحمت الله نبیل په خپل وروستي خبري کنفرانس کې د مصالحې حکومت غوښتی او ګلبدین حکمتیار بیا د مؤقت حکومت د تشکیل غوښتنه کړې چې سوله او ټآکنې دواړه په سم شکل ترسره کړي.

1,096 total views, no views today

onesignal_meta_box_present:
onesignal_send_notification:
response_body:
{"id":"6c618d66-b9c1-4f06-a774-4f6159ac340b","recipients":929,"external_id":"10a10171-0387-fca7-ab0f-900a88807a19","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
929

1 comment

  1. شاهین افغان Reply

    کله چې یو چاته مسولیت راجع کیږي ، هغه صلاحیت هم لري چې خپله د قوانینو په رڼا کې تصمیم ونیسي.
    افغانانو په ټولټاکنو کې په پوره مېړانې سره برخه واخیسته او د اتلسو کاندیدانو له جملې نه دوی د آراوو په اکثریت سره یو نفر خپل ولسمشر ټاکي.
    هغوي چې رایې یې کمي دي ، په هېڅ صورت سره د نورو افغانانو حقوق تر پښو نشي لاندې کولی.
    وایی که شپه تیاره ده مڼې په شمار دي.
    افغانستان 34 ولایتونه لري د تعداد او نفوس په اساس له پاتې 7 ولایتونو په اکثریت کې راځي. که کومه ډله د خپلې ناکامۍ پړه په یوه او بل نوم سره په کمیسیون او یا مخالفې ډلې اچوي ، هغه جدا موضوع ده اما دوی د ولس رایې یرغمل کولی نشي .
    د یو دو ډلو لجاجت او سپین سترګي د ټول ملت سرنوشت ته تاوان رسوي . د دوی دا عمل له ټولو قوانینو سرغړونه او بغاوت حسابیږي چې ولس باید د دوی پرځای کښېنولو لپاره آماده اوسي.

Leave a Reply

Your email address will not be published. Required fields are marked *

۸