Categories

اعلان

Loading…

کندوز: امام صاحب کې طالبانو ۱۱ سرتېري وژلي ۳ یې برمته بیولي دي

تاند، جمعه، د قوس ۱۵مه: د کندوز په امام صاحب ولسوالۍ کې د طالبانو د یو برید له کبله د دوو پوستو ۱۱ افغان سرتېري وژل شوي دي.

 د کندوز د ولایتي شورا مرستیال صفی الله امیري په دې اړه تاند ته وايي، تېره شپه ۱۲ بجې طالبانو د قرغان او قرغېز د کلیو پر پوستو بریدونه کړي دي چې په ترڅ کې یې ۱۰ ملي او یو محلي پولیس وژل شوی دی: (( په وژل شویو کې د یوې پوستې قومندان محمد ظاهر هم شامل دی.))

ښاغلی امیري تاند ته وايي، چې په دې جګړه کې پنځه سرتېري ژوبل شوي اوو ۳ یې طالبانو له ځان سره برمته نیولي دي.

 په همدې حال کې د کندوز د والي ویاند عصمت الله مرادي هم تاند ته په امام صاحب ولسوالۍ کې د تېرې شپې نښتې تاییدوي، خو وايي په دې نښته کې دواړو غاړو ته تلفات اوښتي چې اوس یې دوی کره معلومات نه لري: (( هلته مخابراتي شبکې کار نه کوي او موږ هم د جزیاتو په ترلاسه کولو بریالي شوي نه یوو.))

  دا په داسې حال کې ده چې طالبانو بیا ویلي، چې د امام صاحب ولسوالۍ د تېرې شپې په جګړه کې یې د یو قومندان په ګډون ۱۴ سرتېري وژلي او ۴ نور ژوبل دي.

 طالبانو ادعا کړې چې په دې نښته کې یې یو قومندان او دوه ساتونکي ورسره برمته وړي دي.

408 total views, no views today

onesignal_meta_box_present:
onesignal_send_notification:
response_body:
{"id":"97fdeeb7-0be5-44f4-a036-ed6654ff001f","recipients":930,"external_id":"436852df-ceda-7879-dba9-b67ae64bcddd","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
930

Leave a Reply

Your email address will not be published. Required fields are marked *

۸