Categories

اعلان

Loading…

د ننګرهار والي د ناکامورا د قاتلینو د نیولو پر سر ۱ میلیون افغانۍ جایزه کېښوده

تاند، جمعه، د قوس ۱۵مه: د ننګرهار والي شاه محمود میاخېل اعلان کړی چې هر چا د ډاکټر ناکامورا د قاتلینو په نیولو کې له امنیتي ځواکونو سره مرسته وکړه، له خپله جیبه به یو میلیون افغانۍ انعام او جایزه ورکړي.

د ننګرهار والي دا څرګندونې له تښتوونکو څخه د یو سوداګر او د یو هوټل د مالک د راخوشې کولو له عملیاتو وروسته کړې دي  او زیاته یې کړه امنیتي ادارو ته یې جدي سپارښتنه کړې ده چې د ناکامورا د وژنې عاملان ونیسي: ((هر امنیتي ارګان چې د ناکامورا عاملین پیدا او د قانون منګولو ته یې وسپاري، له شخصي امکاناتو څخه به ورته یو میلیون افغانۍ جایزه ورکړم.))

دا په داسې حال کې ده چې ښاغلي میاخېل تېره ورځ د یو خبري کنفرانس په څنډه کې خبریالانو ته ویلي وو چې د ناکامورا د وژنې پلان له افغانستان څخه بهر جوړ شوی و.

ښاغلي میاخېل زیاته کړې وه، د کونړ د اوبو مدیریت ښاغلی ناکامورا وژلی دی او د دغې سیاسي وژنې استخباراتي معلومات به ډېر ژر له خلکو سره شریک کړي.

دا په داسې حال کې ده چې د ډاکټر تیتسو ناکامورا وژنه په ټول هېواد کې مظلومانه بلل شوې او د هغه د قاتلانو د تښتېدلو له کبله پر ولایتي اداره او امنیتي بنسټونو نیوکې زیاتې شوې دي.

644 total views, no views today

onesignal_meta_box_present:
onesignal_send_notification:
response_body:
{"id":"5365dbed-c686-42f8-a6ab-7291f9a8712a","recipients":930,"external_id":"ab8a6a58-6f9c-ff86-44b4-f105a2ce8018","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
930

Leave a Reply

Your email address will not be published. Required fields are marked *

۸