Categories

اعلان

Loading…

نورستانۍ: تر څو د پاتې ۷ ولایتونو رایې ونه شمېرو، پایلې نه شو اعلانولی

تاند، پنجشنبه، د قوس ۱۴مه: د ټاکنو کمېسیون مشره حوا علم نورستانۍ وايي، کمېسیون د پاتې ۷ ولایتونو د رایو له بیا شمېرنې پرته لومړنۍ پایلې نه شي اعلانولی.

میرمن نورستانۍ نن پر ښځو د تاوتریخوالي د مخنیوي د ورځې په مناسبت غونډه کې ویلي، د میزان د ۶مې نېټې په ټاکنو ۳۲،۴ سلنه ښځو ګډون کړی و.

اغلې نورستانۍ وايي، دا مهال په ۲۷ ولایتونو کې د رایو بیا شمېرنه بشپړه شوې خو په ۷ ولایتونو کې یې ځینو ټاکنیزو ډلو مخه نیولې او کمېسیون نه شي کولی چې لومړنۍ پایلې اعلان کړي: (( د ۲۷ ولایتونو پایلې وروستۍ شوي او اعلان ته چمتو دي.))

  نوموړې یو وار بیا د ولسمشرۍ په نوماندانو او سیاسي کړیو غږ وکړ چې د ۷ ولایتونو د رایو په بیا شمېرنه کې دې ورسره مرسته وکړي، تر څو د ټاکنو د لومړنیو پایلو اعلان ته زمینه برابره شي: (( ما هر نوماند او لوري ته بیا بیا ویلي او اوس هم وایم چې یواز بایومتریک رایې موږ ته د اعتبار وړ دي.))

 دا په داسې حال کې ده چې د ثبات او همپالنې ټیم، د امنیت او عدالت ټیم او د سولې او اسلامي عدالت ټیم تېره ورځ په یوه ګډه اعلامیه کې ټینګار کړی چې د دوی په وینا په ټاکنو کې د شوې درغلۍ پر ضد به ولاړ پاتې شي او اجازه به ور نه کړي چې څوک د درغلۍ په مرسته واک ته ورسېږي.

702 total views, no views today

onesignal_meta_box_present:
onesignal_send_notification:
response_body:
{"id":"de145d0c-a178-4733-b431-41dbcf6e5d32","recipients":930,"external_id":"59a43820-9fc2-f1e6-7b7c-6c1e6fcc23f5","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
930

Leave a Reply

Your email address will not be published. Required fields are marked *

۸