Categories

اعلان

Loading…

ټولنیز نظم | محمد مصطفی سمون‎

د ټولنیز نظم لپاره باید په پوهنیز بهیر کار وشي او د ټولنیز پوهاوي لپاره په داسې نصاب فکر وشي، چې د ټولنې هر اړخیزه مطالعه پکې شامله وي، چې د همغو ستونزو او ننګونو په رڼا کې د فرد له روانه پیل تر ټرلو اړخونو پورې دې برخې ته توجو وشي.
داسې هر قدم اخیستل د فردي جوړښته نیولې د کورني او ټولنیز جوړښت پورې خپل اغېز شیندي.
د پوهنیز نظام د دودلو لپاره باید پر کومو لارو غور وشي؟
د دې پوښتنې په رڼا کې ویلی شو، چې د ټولنې کلتوري، فکري او شته حساسیتونو په رڼا کې د د پوهنیز نظام لپاره اغېزمن نصاب باندې کار وشي. د نصاب لیکلو په وخت د ټولنې وګړي په کټګورۍ ووېشل شي، د هغو مطابق نصاب تیار کړای شي. موږ د وخت او ژوند تېرولو لپاره ځانګړې لارې لرو؛ خو په هغې لارې فکر نه کوو، چې د ژوند سره د وصلېدو دلیل کېږي. دا په اصل کې زموږ د ناستې او پاستې له تاثر سره اړیکه لري.
د لوستنې او زده کړې لپاره په ذهني چاپېریال کې د ځان بسیاینې تخم شیندل پکار دي، د هر څه په لوستلو کې ذهني ویجاړۍ په یو نظم بدلول پکار دي، چې د دې نظم له غوراوي سره په ټکني فکر کې توري په خوځښت راځي.
د هرې پدېدې په اړه د پټو سترګو له زاویې قضاوت کول او بیا یې په نورو منل په خپل دې ډول حالت باندې له سره کتنه  پکار ده.
د علمي چلندونو او منطقي مباحثو په تاویل کې فردي منطق او کړنلاره د هرې پدیدې په وړاندې د تحول د غږ بدرګه کول دي، چې له دې سره د ژوند په اړه د کرونولوژیکې اېډیالوژۍ لپاره د بدلون یو نوی ور پرانیستل کېدای شي؛ ترڅو د فکري پیاوړتیا لپاره د استبداد پرځای د استدالال لاره غوره شي.
موږ چې کله هم د استدالال او منطق په تله څه تلو او یا یې وصلوو؛ نو طبعي ده، چې له ستونزو سره به مخ کېږو؛ خو د دې لپاره باید د ټولنې چاپیریالي وضعه د ژوند د شرایطو په رڼا کې مطالعه کړو؛ ترڅو د زغم او استدلال کچه معلومه کړای شو او بیا د ټولنې د وګړو هغې پوهې ته د درناوي په هېنداره کې وړاندې کړو، چې د ژوند په اړه منطقي لاره پالي او د ژوند هغو شرایطو ته د منطق او معقولو غوښتنو په رڼا کې داخل شو، چې په ټولنه کې د همغږۍ لپاره لار هواروي.
موږ کله هم  په دې اړه فکر نه دی کړی، چې ولې د ژوند او شتو څیزونو په اړه دومره سطحي فکر کوو؟
په اصل کې دا مو د ژوند، افرادو او طبعیت پېژندلو لپاره د بل له عینکو کتلي، خپل علمي او استدلالي منطق مو نه دی کارولی، چې ټولنې ته د شته ستونزو په رڼا کې وګورو.
د افرادو په روزنه کې په کلي ډول د ټولنیز فکر ایجادول مهم دي، یعنې هر فرد ته دا ښودل پکار دي، چې ستا پایښت د خپل مسلک، ژبې او فرهنګ سره تړلی دی؛ نو د اړیکو جوړول او له متضادو افکارو سره تعامل کول، په کل کې د ټولنې د هر وګړي کار دی، چې له پوهې سره ستا دنیاوي او اخروي ګټه  نغښتې ده، چې د فرد له پوهې سره ستاسو د ټولنې رنګ هم بدلون مومي. ژوند سپینه کتابچه ده، چې پاڼې یې په بېلابېلو الفاظو رنګینې کیږي؛ خو دا په موږ پورې اړه لري، چې دا پاڼې د راتلونکي نسل لپاره څنګه ډکوو؟
د دې خبرې تر چتر لاندې باید چاپېریال داسې جوړ کړای شي، چې هر وګړی د پوهې په ټولنیز نظم باندې فکر وکړي؛ نو هله به معنوي  ارزښتونه په ځلا راشي.

326 total views, no views today

onesignal_meta_box_present:
1
onesignal_send_notification:
response_body:
{"id":"b01e279c-c049-4e70-8165-47ad698a5b39","recipients":931,"external_id":"f66fe4cd-cd3c-5183-a0d2-be5c9b293bbb","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
931

Leave a Reply

Your email address will not be published. Required fields are marked *

۸