Categories

اعلان

Loading…

د کابل ټول سوداګریز مراکز او د تېلو ۶۰ سلنه ټانکونه د اور وژنې وسایل نه کاروي

تاند، یکشنبه، د قوس ۱۰مه: طبیعي پېښو سره د مبارزې په چارو کې د دولت وزارت وايي، دا مهال د کابل د تېلو ۶۰ سلنه ټانکونه د ناڅاپي اور لګېدنې د مخنیوي هیڅ ډول وسایل نه لري.

 د دې وزارت د پالیسۍ او انسجام معین محمد قاسم حیدري نن یکشنبه په یو خبري کنفرانس کې وویل، د اورلګېدنې د کمېټې لخوا یې په دې وروستیو کې د کابل ۲۶۶ د تېلو ټانکونه سروې شوي دي چې له دې منځه یې یوازې ۴۰ سلنه د تېلو ټانکونه معیاري دي.

ښاغلي حیدري وویل، د وزارت ۲۰ کسیزې ډلې یې د کابل ښار دوه زره لوړ پوړې ودانۍ او سوداګریز مرکزونه هم سروې کړي دي چې ښيي د کابل سوداګریز مرکزونه هیڅ ډول د اور وژنې وسایل او تدابیر نلري: (( زموږ د اورلګېدنې د مخنیوي کمېټې په ټولو سوداګریزو مرکزونو او د تیلو د ټانکونو په خاوندانو خپل دستورالعمل ویشلی تر څو یې په جدي ډول عملي کړي او د پېښو مخنیوی وشي.))

  ښاغلی حیدري وايي، دوی د سروې په دویم پړاو کې ځینې سوداګریز مرکزونه او د تیلو ټانکونه د لایحې د نه عملي کولو له کبله نغدي جریمه کړي هم دي، خو په ویا یې که له دې وروسته هم چا سرغړونه وکړه څارنوالۍ ته به یې معرفي کړي: (( زموږ معلومات ښيي چې د اورلګېدنې زیاتې پېښې په ژمي کې  د ګازو او بریښنا له ناسمې استفادې څخه رامنځته کېږي، موږ د اورلګېدنې د پېښو د کمولو یوه طرحه ولسمشر ته استولې چې له منظورېدو وروسته به یې په جدیت عملي کړو.))

 دا په داسې حال کې ده چې په تېرو اتو کلونو کې د کابل ښار په زړه کې د اورلګېدنې لویې پېښې رامنځته شوې چې له دې جملې څخه د نادر پشتون واټ، احمدیار د تېلو ټانک پېښه، د اباسین ځدراڼ مارکیټ پېښه، د کابل منډوي د اورلګېدنې پېښه، د بوټانو د سرای پېښه او نورې د یادونې وړ دي او دغو پېښو میلیونونه ډالر تاوانونه سوداګرو ته اړولي دي.

345 total views, no views today

onesignal_meta_box_present:
onesignal_send_notification:
response_body:
{"id":"cbebd32a-9689-44a7-a306-1da52054c24b","recipients":933,"external_id":"b2191444-e0c9-cf55-1d3b-596f4760aa5e","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
933

Leave a Reply

Your email address will not be published. Required fields are marked *

۸