Categories

اعلان

Loading…

د ټاکنو کمېسیون: که معترضې ډلې مو د ولایتي دفترونو مخه خوشې نه کړي، له حکومته مرسته غواړو

تاند، شنبه، د قوس ۲مه: د ټاکنو کمېسیون ګواښ کړی که ټاکنیزې ډلې یې په اووه ولایتونو کې تړلي ولایتي دفترونه خلاص نه کړي، دوی به له حکومت څخه مرسته وغواړي.

د ټاکنو کمېسیون وايي، نن هم ورته د عبدالله عبدالله پلویانو په بدخشان، پنجشیر، بغلان، تخار، جوزجان، فاریاب او سرپل کې د ټاکنیزو دفترونو د پرانیستې او د رایو د بیا شمېرنې اجازه ور نه کړه.

په دې اړه د ټاکنو د خپلواک کمېسیون ویاند میرزا محمد حقپرست تاند ته وویل، دوی هڅه کوي چې د خبرو له لیارې خپل ولایتي دفترونه پرانیزي، خو که بیا هم ستونزه هواره نه شوه، د اساسي او انتخاباتو د قوانینو له مخې به پر حکومت غږ وکړي چې اجرائت وکړي او اووه واړه ولایتي دفترونه یې پرانیزي.

خو د عبدالله عبدالله ټاکنیزې ډلې بیا نن هم ګواښ کړیدی چې د ټاکنو کمېسیون دوی ته قناعت نه دی ورکړی او که یې د رایو بیا شمېرلو ته په هر ډول دوام ورکړ، وضعیت به د بحران خواته ولاړ شي.

خو دولت ساز ټاکنیزه ډله بیا د عبدالله ډله د ټاکنو د پروسې په یرغمالۍ تورنوي او وايي، حکومت مسوول دی چې د قانون د تطبیق لپاره قاطعانه عمل وکړي.

دا په داسې حال کې ده چې د ټاکنو کمېسیون وايي، په ۲۵ ولایتونو کې یې د رایو بیا شمیرنه پای ته رسېدلې او د شلو ولایتونو د بیا شمیرل شویو رایو نتایج یې کابل ته رسېدلي دي، خو لا هم معلومه نه ده چې د ټاکنو دوه ځله ځنډېدلې لومړنۍ پایلې به کله اعلان شي؟

892 total views, no views today

onesignal_meta_box_present:
onesignal_send_notification:
response_body:
{"id":"c55d6517-d0fa-47c0-a7c1-593ddd6b3dbf","recipients":930,"external_id":"b6f00ba0-9e52-e6c6-2f0d-fab8543fb774","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
930

Leave a Reply

Your email address will not be published. Required fields are marked *

۸