Categories

اعلان

Loading…

مالیې وزارت له دفاع او داخله وزارتونو ۳۲۴ میلیونه ډالر بودیجه راوګرځوله

تاند، پنجشنبه، د عقرب ۳۰مه: د مالیې وزارت وايي، د دولتي ادارو د مصارفو د راکمولو په لړۍ کې یې له دفاعي او امنیتي سکټورونو څخه ۳۲۴ میلیونه ډالر بودیجه کمه کړې ده.

 مالیې وزارت وايي، د افغانستان کلنۍ دفاعي او امنیتي بودیجه ۵ نیم میلیارده ډالر ده چې له دې منځه یوازې ۵۰۰ میلیونه ډالر یې له ملي بودیجې څخه ورکول کېږي، پاتې پیسې یې له بهرنیو مرستو پوره کېږي.

 د دې وزارت اداري معین عبدالحبیب ځدراڼ نن له خبریالانو سره په خبرو کې وویل، دا مهال تر ټولو زیاته کلنۍ بودیجه دفاعي او امنیتي وزارتونو ته ورکول کېږي، خو دوی لازمه وبلله چې له کورنیو چارو او دفاع وزارت څخه د سنجول شویو معیارونو په اساس ۳۲۴ میلیونه ډالر بودیجه راوګرځوي.

  په دې اړه خبري کنفرانس کې د مالیې وزارت سپما د کمېسیون رئیس فضل وهاب ممتاز زیاته کړه، دا مهال د امنیتي سکټور لپاره په بېله شوې بودیجه کې ۶۷ سلنه پيسې دفاع وزارت او ۳۳ سلنه بودیجه د کورنیو چارو وزارت ته ورکول کېږي.

ښاغلي ممتاز زیاته کړه افغان حکومت غواړي چې په راتلونکو دریو کلونو کې له دفاعي او امنیتي سکټور څخه یو میلیارد ډالر بودیجه سپما او راوګرځوي.

دا په داسې حال کې ده چې ولسمشر څه موده وړاندې امر کړی وچې له دولتي خپلواکو ادارو او وزارتونو څخه دې د اداري فساد د مخنیوي لپاره په مؤثر ډول بودیجه راوګرځول شي او ملي خزانه کې دې سپما شي.

942 total views, no views today

onesignal_meta_box_present:
onesignal_send_notification:
response_body:
{"id":"15b1156f-abc8-4047-add3-38f4f0de6146","recipients":922,"external_id":"15f476f3-ce95-277e-4f86-6bfcc9648bc8","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
922

Leave a Reply

Your email address will not be published. Required fields are marked *

۸