Categories

اعلان

Loading…

د وحید مژده پر وژل کېدو ګڼو افغانانو خواشیني ښکاره کړه

تاند- ګڼ شمېر افغانانو د سیاسي چارو د شنونکي وحید مژده پر ترور خواشیني ښودلې ده.

ناپېژندویو وسله والو موټرسایکل سپرو نن ماښام په کابل کې وحید مژده په داسې حال کې چې د لمانځه لپاره جومات ته روان وو، ډزې وکړې.

مژده، چې د طالبانو د واکمنۍ په مهال د بهرنیو چارو وزارت مامور و، د طالبانو د رژیم له پرزېدو وروسته لومړنی کس و چې د طالبانو د دریځ سیاسي دفاع یې کوله خو نوموړی په خپلو تحلیلونو کې له اعتداله کار اخیست.

له همدې کبله ډېرو خلکو وحید مژده یو نرم، معتدل او د زغم خاوند شنونکی بللی دی.

د دولت جوړوونکي انتخاباتي ټیم ویاند رضوان مراد د وحید مژده د وژل کېدو په اړه په خپله فیسبوکپاڼه کې لیکلي«خدای دې وبخښي. دا دومره بيچلې استخباراتي لوبه او له افغان وطن سره روانه بې اصوله دښمني ده چې فقط د افغانستان د بې ثباتۍ او د افغانانو د اذهانو د تحريف لپاره کيږي.
د افغان وطن دښمن دې تباه وي چې په هره جامه کې وي.»

د مالیې پخواني وزیر او په پاکستان کې د افغانستان پخواني سفیر عمرزاخېلوال ویلي«د سولی د هڅو فعال، د سياسي چارو شنونکى او لیکوال ښاغلي وحید مژده هدفي وژنه په کلکو ټکو غندم. د مرحوم وژنه په ښکاره د هغو هدفي بریدونو لړۍ ښکاري چې په وروستیو کی هغه کسان چې د سولې لپاره کار کوي په نښه کوي. د سیاسي فعالیت او بیان آزادي د تیرو اتلسو کلونو هغه د پام وړ لاسته راوړنه ده چی تل یې په هسکه یادوو. داسي بریښي چی دا لاسته راوړنه اوس تر شدید ګواښ لاندې ده. هسک څښتن تعالی دې د مرحوم مژده شهادت قبول او مغفرت په برخه کړي او غمځپلې کورنۍ ته دې یې زغم او د جمیل صبر ورکړی. آمین»

د انتخاباتي شکایتونو پخوانی ريیس عبدالستار سعادت د وحید مژده پر ترور ژور خپګان ښکاره کړی او لیکلي یې دي «وحید مژده د افغاني غرور او دروندوالي سمبول و، شهادت یې سخت خپه کړم. هغه په واقعي مانا زړور بنیادم و، زه یې د نړۍ د تر ټولو زورورو په وړاندې (مخامخ) د بې پروایۍ، استغنا او سپینې وینا شاهد پاتې شوی یم.
کورنۍ او ملګرو ته یې تسلیت وایم، قرباني دې یې خدای ج قبوله کړي.»

لیکوال او ژورنالیست نعمان دوست وايي «پژواک خبري اژانس کې وم. له وحید مژده سره مې ‌‌‌‌‌‌ډيرې تلفوني مرکې کړي. ده ګڼې ښيګڼې درلودې:
په پښتو او درې دواړو حاکم و.
خاکساره و.
د مرکې بلنه یې نه ردوله
ځان یې له حده زیات اپ ډيټ ساته.
د مسائلو له ژورو خبر و او…
د دې ګڼو خوبیو لرونکی دا شخص مو نن له لاسه ور کړ.
خونړۍ جګړه روانه ده، هره ورځ رانه کادرونه
اخلي.
د قاتلانو بازار ښه ګرم دی او علاقمندان یې ور ته لاسونه پړکوي.

رب دې وبخښي او دا قتل دې وروستی شي.»

د دفاع وزارت پخواني ویاند متقاعد جنرال دولت وزیري د مژده ترور بد خبر بللی او لیکلي یې دي«د وحید مژده په وژل کیدو ډیر خفه شوم. خدای دې جنتونه ور نصیب کړي او قدرمنې کورنۍ ته يې د زړه صبر هیله کوم.
د افغان دښمنه کړیو دې کور خراب شي.»

تراوسه پورې هیچا د وحید مژده د ترور مسوولیت نه دی منلی او د افغانستان امنتیاي اورګانونو هم د دې پېښې په تړاو چا ته د تور ګوته نه ده نیولې.

1,130 total views, no views today

onesignal_meta_box_present:
onesignal_send_notification:
response_body:
{"id":"ea9ef174-dcb4-4148-af1d-de08afd8b35c","recipients":924,"external_id":"e0dc3463-cdfa-1099-0e4c-11737b1f63e8","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
924

2 comments

  1. razmohammed mohmend Reply

    allah dee wobakhee//daa yawa loyaa zaaeeaah dah;
    he was honest afghans/he always explained a real form of matter.
    .terrorism is the duty of ISI.
    this show for us now also too far peace come in.
    AFGHAN INTELLIGENT ORGANS MUST BECOME MORE PROFISSIONAL&WIDE.

    thank you

  2. سلیم Reply

    د اعتدال و وصل وآشتي پلونه یو بل پسې نړوي…. افغان بل افغان وژنه ابدي شي، سورکونی بیګناه نه دي خو اجرا یې د حرامي افغانانو په لاس

Leave a Reply

Your email address will not be published. Required fields are marked *

۸