Categories

اعلان

Loading…

غني: تسلیم شوې داعشیانې پاکستان ته نه، قبایلو ته سپارم

تاند، سه شنبه، د عقرب ۲۸مه: ولسمشر غني نن د ننګرهار د امنیتي وضعیت د  ارزونې لپاره جلال اباد ته تللی او په دې اړه یې ځانګړې ناسته کې ویلي چې د داعش ډلې له تسلیم شویو ښځو ماشومانو سره به د افغاني او پښتني دودونو په رڼا کې چلند وشي.

ولسمشر د داعش ډلې د بشپړې ماتې له اعلان سره هم مهاله د ۶۱۵ تسلیم شویو داعشیانو او د هغوی د کورنیو په اړه ویلي، د هغو داعش جنګیالیو مېرمنې او ماشومان چې د ډیورنډ فرضي کرښې هغې غاړې پورې تړاو لري، پاکستان ته نه سپاري: (( هیڅکله به یې پاکستان ته ونه سپارو، بلکې د ولسونو په خوښه به یې د کرښې هغې غاړې ولسونو ته وسپارو.))

ولسمشر همدا راز د  ننګرهار والي شاه محمود میاخېل ته ویلي، چې شل میلیونه افغانۍ به ورکړي تر څو یې په پوره امانتدارۍ سره د داعش ډلې په تسلیم شویو بندیانو ولګوي، تر څو هغوی بې روزګاره  او وږي پاتې نه شي.

ولسمشر د داعش تسلیم شویو مېرمنو په تړاو د ډیورنډ هغې غاړې قبایلو ته د سپارلو خبره داسې مهال کوي، چې تېر کال د کوزې پښتونخوا د یو نظامي افسر طاهر داوړ مړی هم چې پاکستاني استخباراتي ډلو د افغان خاورې دننه اچولی  و، د پاکستان د حکومت پر ځای محسن داوړ او قبایلي مشرانو ته وسپارل شو.

1,260 total views, no views today

onesignal_meta_box_present:
onesignal_send_notification:
response_body:
{"id":"c96b1986-69a3-457d-9663-cc8c21e71662","recipients":920,"external_id":"e2616612-ffde-4e94-9a26-6108797f82b2","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
920

Leave a Reply

Your email address will not be published. Required fields are marked *

۸