Categories

اعلان

Loading…

جان باس، داسې هیڅ ثبوت نشته چې افغان امنیتي ځواکونو په انتخاباتي چارو کې ښکېل شوي وي

تاند- (سې شنبه، د عقرب ۲۸) په افغانستان کې د امریکا سفیر جان باس وايي، هیڅ شواهد نشته چې وښيي افغان امنیتي ځواکونو د افغانستان په انتخاباتي چارو کې ځان ښکېل کړی وي.

جان باس دا خبره وروسته له دې وکړه چې د عبدالله عبدالله په مشرۍ د ثبات او همپالنې ټیم ادعا وکړه چې امنیتي ځواکونو په کندوز ولایت کې د دوی پر معترضو پلویانو ډزې کړي او په لړ کې یې یو څارونکی وژل شوی او ۴ نور ژوبل شوي دي.

دا په داسې حال کې ده چې د دوشنبې په ورځ د عبدالله پلویانو په بدخشان ولایت کې د انتخاباتو د خپلواک کمیسیون پر سیمه ییز دفتر یرغل ورووړ؛ د دغه دفتر دروازې او کړکۍ یې ماتې کړې او یو پولیس یې سخت ټپي کړ.

د کندوز چارواکو او شاهدانو په دې ولایت کې د یکشنبې په ورځ د یوه تن وژل کېدا او ۴ نورو ژوبلېدا د هاوان ګولیو د لګېدو له امله وبلله او ویې ویل چې دا بریددونه وسله والو طالبانو له چهاردرې ولسوالۍ څخه پر کندوز ښار کړي وو.

خو د عبدالله عبدالله انتخاباتي ډلې ادعا کړې چې د ده پلویانو ته د افغان امنیتي ځواکونو د ډزو په نتیجه کې مرګ ژوبله اوښتې ده.

په افغانستان کې د امریکا سفیر جان باس، چې په وروستیو کې عبدالله عبدالله په ځلونو ورسره کتلي او ګومان کېده چې له ښاغلي عبدالله سره ځانګړې خواخوږي لري، د دوشنبې په ورځ ناوخته په څو ټویټونو کې له افغانانو غوښتي چې ارام واوسي او د حقایقو پر اساس څرګندونې وکړي نه د اوازو له مخې.

ده په عین حال کې ویلي چې د ټولو هغو کاندیدانو چې د تاوتریخوالي په ځای له انتخاباتي پروسو کار اخلي، ملاتړ کوي.

د امریکا سفیر په غیر مستقیم ډول د انتخاباتو د خپلواک کمیسیون له لوري د ولسمشرۍ د انتخاباتو د پایلو په اعلان کې د افغانانو نهیلي توب تایید کړی دی.

768 total views, no views today

onesignal_meta_box_present:
onesignal_send_notification:
response_body:
{"id":"7dccdbff-e6ff-4903-81e0-6cab709f6f96","recipients":921,"external_id":"eb639867-b24a-d988-b115-7f071dc85cfb","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
921

Leave a Reply

Your email address will not be published. Required fields are marked *

۸