Categories

اعلان

Loading…

د کابل په زړه کې تر اوسه داسې دولتي مارکیټ هم و چې د یو دوکان کرایه یې ۲۶ افغانۍ وه

تاند، جمعه، د عقرب ۲۴مه: افغان حکومت په کابل کې له یو سوداګر څخه د هغه مارکیټ ملکیت واخیست چې د طالبانو له وخته یې حکومت ته د هر دوکان یوازې ۲۶ افغانۍ کرایه ورکوله.

د دولتي قضایاو د ادارې یو لوړپوړې سرچینې تاند ته وویل، د کابل ښار د لومړۍ حوزې اړوند د شهزاده سرای شاته له دوبۍ مارکیټ څخه یې قراردادي کس حاجي محمد ولي تر دې دمه د کال اته میلیونه افغانۍ کرایه ټولوله خو هره میاشت به یې د دوکان په سر یوازې ۲۶ افغانۍ دولت ته ورکولې.

سرچینه وايي، حاجي محمدولي په محاکمو کې د دغه قرارداد کاغذونه هم ورک کړي وو او د طالبانو له وخته یې د دغه مارکیټ هر دوکان په ۲۶ زره د وخت په مروجو افغانیو اخیستی و چې اوس یې د هغه وخت د پیسو معادل ۲۶ افغانۍ د هر دوکان په سر دولت ته تحویلولې.

سرچینه وايي، دا مارکیټ اوس د دولت په ولکه کې دی او پریکړه یې هم په محاکمو کې روانه ده خو عایدات یې ټول د افغان دولت خزان ته روان دي.

دا په داسې حال کې ده چې وړمه ورځ د فساد پر ضد د مبارزې څارونکې کمېټې ویلي وو، په دولتي محاکمو کې وضعیت مخ په ښه کېدو دی او دوی د ۵۰ معیارونو له منځه تر اوس ۴۰ معیارونه او سپارښتنې عملي کړې دي.

1,219 total views, no views today

onesignal_meta_box_present:
onesignal_send_notification:
response_body:
{"id":"8cd69fc7-2f6c-459e-b859-cfa39838b324","recipients":910,"external_id":"e7577443-990f-ff49-af96-525bb4f72fb2","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
910

Leave a Reply

Your email address will not be published. Required fields are marked *

۸