Categories

اعلان

Loading…

د افغانستان بامیان ولایت، د ایټالیا د متیرای ولایت ورور شو

تاند، چهار شنبه، د عقرب ۲۲مه: د افغانستان، بامیان او د ایټالیا د متیرای ښار له دې وروسته سره خور و ورور ښارونه شول.

د بامیانو والي ظاهر ظهېر تاند ته د وټس اپ په یو پیغام کې وویل، نن د متیرای ښار په ښاروالۍ کې د بامیانو د ښاروال او د متیرای د ښاروال له لوري په دې اړه یو سند هم لاسلیک شول چې له مخې به یې د ایټالیا د متیرای ښار او بامیانو تر منځ د خورولۍ او ورورولۍ اړیکه پالل کېږي.

نوموړی وايي، په دې مراسمو کې ورسره د متیرای والي هم ګډون کړی و چې له مخې به یې ایټالیا راتلونکي کال کې د فرهنګي راکړې ورکړې تر څنګ د بامیانو د تاریخي ابداتو، اثارو او ضحاک څلویښت برجه کلا د رغولو په برخه کې هم مرسته کوي.

د دې تړون له مخې به ایټالیا د افغان ځوانانو لپاره د زده کړو تر څنګ د کار زمینه هم برابروي او په بامیان پوهنتون کې به د لرغونپوهنې پوهنځی هم پرانیزي.

ښاغلی ظهیر وايي، ایټالیا په بامیانو کې د پراختیايي پروژو مهم ملاتړی هېواد دی چې تر دې دمه یې د بامیانو د حلقوي سړک او غلغله پارک په جوړولو کې پراخه مرسته ورسره کړې ده.

د یادونې ده چې متیرای هم د ایټالیا یو لرغونی ښار دی چې په ۲۰۱۹ کال کې د اروپايي ټولنې نوې فرهنګي پلازمینه وټاکل شوه او دا ښار له بامیان سره ډېر شباهتونه لري.

835 total views, no views today

onesignal_meta_box_present:
onesignal_send_notification:
response_body:
{"id":"0e8c36fa-1af3-4cc8-b2b8-0255f48804c8","recipients":916,"external_id":"e74a905c-9ae6-4465-5a3c-d4609277c31f","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
916

Leave a Reply

Your email address will not be published. Required fields are marked *

۸