Categories

اعلان

Loading…

مولانا عبدالله، ټاکنو کمېسیون کې د عبدالله کمپاینري روانه کړې

تاند، شنبه، د عقرب ۱۸مه: تاند د سرچینو په حواله داسې معلوماتو ته لاسرسی پیدا کړی چې ښيي د ثبات او همپالنې ډلې ته نږدې کس او د ټاکنو کمېسیون کمېشنر مولانا عبدالله د سږنیو ولسمشریزو ټاکنو د بحراني کولو لپاره مهم رول لوبوي.

اسناد او شواهد ښيي چې مولانا عبدالله د ټاکنو په کمېسیون کې د اختلافاتو مهم لامل ګرځېدلی او د کمېسون د مجلسونو هره پرېکړه سپېدار ماڼۍ ته تر هر چا وړاندې رسوي.

مولانا عبدالله او د ثبات او همپالنې ډلې دوه غړي محمد ناطقي او نور رحمان اخلاقي هغه کسان دي چې د کمېسیون او احزابو په نماینده ګۍ یې له درملوګ شرکت څخه اوسني د بایومتریک ماشینونه او سیسټم رانیولی دی.

همدا راز مولانا عبدالله څو څو ځله د رایو د شمېرنې په جریان یا هم د کمېسیون له مجلسونو سمدستي وروسته د ثبات او همپالنې له غړو نوررحمن اخلاقي او ثبات او همپالنې ډلې په فساد د تورن او د کابل د پخواني ښاروال یونس نواندیش سره لیدل شوی دی.

مولانا عبدالله همدا راز د کمېسیون د ټولو اصولو خلاف له رسنیو سره د کمېسیون د معلوماتو په افشا کولو او شریکولو کې هم مشهور دی.

نوموړی لومړنی هغه کس و چې په ټاکنو کمېسیون کې یې د رایو د بانک د پلاستیکي قفل د ماتېدو خبر ورکړ او د ثبات و همپالنې ډلې ته یې د لانجې زمینه برابره کړه، هغه څه چې وروسته ثابته شوه، دا قفل د درغلۍ په خاطر نه دی مات شوی او نه هم د رایو بانک ته کوم نقصان رسېدلی.

مولانا عبدالله څه موده وړاندې داسې ډرامه هم د طلوع په نوم له یوې تلویزیوني شبکې سره جوړه کړه چې د یو موټر سایکل چلوونکي لخوا تعقیب شوی او پر ده د برید هڅه شوې ده، خو وروسته ملي امنیت ویلي دي چې دغه موټر سایکل چلوونکی د دوی کس و چې د ټولو کمېشنرانو د ساتنې لپاره یې یو یو کس مؤظف کړی تر څو دوی ته ضرر ونه رسېږي او کمېشنران یې په دې خبر کړي هم دي.

مولانا عبدالله په ټاکنو کې ددولت د لاسوهنې اوازه هم څو څو ځله اچولې چې وروسته بیا پخپله د کمېسیون د غړو لخوا دا اوازه په کلکه رد شوې ده.

مولانا عبدالله په کمېسیون کې د هرې هغې پرېکړې په ښکاره مخالفت کوي چې دی په کې د ډاکټر عبدالله عبدالله د ناکامۍ څرکونه ویني، خو په دې هم پوهېږي چې د ثبات او همګرایې ډلې لپاره د وفادارۍ له کبله ترسره کړې ټولې هڅې یې ناکامې دي.

په تازه پېښه کې مولانا محمد عبدالله تېره ورځ یو وار بیا د کمېسیون د ټولو کمېشنرانو هغه پرېکړه نه ده منلې چې د ۱۲۸۷ محلونو د بایومتریک رایو د شمېرنې په اړه یې کړې ده.

تاند ته په یو رسېدلي پرېکړه لیک کې د حوا علم نورستانۍ، عصمت الله مل، مسافر قوقندي، اورنګ زېب او حنیف دانشیار له دې سره موافقه ښودلې چې د ۱۲۸۷ هغو محلونو رایې چې د بایومتریک دستګاو ډیټا یې له مرکز سره وصل شوې، خو اوس یې یا ماشینونه خراب دي یا هم مات شوي او په صندوقونو کې يې رایې هم راغلې دي، باید د څارونکو پر وړاندې وشمېرل شي.

خو رحیمه ظریفي او ښاغلي مولانا عبدالله په دغه پرېکړه لاسلیک نه دی کړی او مخالفت یې ورسره ښودلی دی.

مولانا عبدالله د پنجشېر اوسېدونکی او د شمالي ټلوالې اړوند د مدني بنسټونو لخوا د عبدالله په توسط د کمېسیون کمېشنرۍ ته راوړاندې شوی کس دی.

1,643 total views, no views today

onesignal_meta_box_present:
1
onesignal_send_notification:
response_body:
{"id":"40b787b1-ab89-48bd-83f7-61bc380d1c3b","recipients":902,"external_id":"97c3ee69-8980-5f06-3c58-0f54b3117f41","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
902

Leave a Reply

Your email address will not be published. Required fields are marked *


۸