Categories

اعلان

Loading…

دفاع وزارت: داعشیان، له افغانستان څخه په ورکېدو دي

تاند، جمعه، د عقرب ۱۷مه: د ملي دفاع وزارت وايي، داعش ډله په افغانستان کې د نابودۍ په حال کې ده.

دغه وزارت تاند ته نن جمعه په یوه استولې خبرپاڼه کې ویلي، د دفاع وزارت مرستیال یاسین ضیا، د ملي امنیت لومړی مرستیال عبادالله عباد او د ناټو ځواکونو قومندان جنرال سکاټ مېلر نن د ختیځو ولایتونو د امنیتي وضعیت د ارزونې لپاره تللي وو.

دې سفر په ترڅ کې د ملي دفاع وزارت مرستیال جنرال یاسین ضیا ویلي: (( نن ورځ د افغان ځواکونو د سرښندنو او قربانیو په بدل کې داعش ډله په افغانستان کې له ماتې سره مخ شوې او د نابودۍ په حال کې ده.))

دا په داسې حال کې ده چې له نږدې یوې نیمې میاشتې راهیسې افغان ځواکونو په ننګرهار اچین ولسوالۍ کې د داعش پر ضد عملیات پیل کړي دي او ادعا کېږي چې ۹۵ سلنه دا ولسوالي له داعشیانو پاکه شوې ده.

همدا راز څو ورځې وړاندې د ننګرهار ولایتي ادارې د ۲۰ وسله والو یوه ډله هم رسنیو ته وښودله چې زیاتره بهرنیان هم په کې وو او دوی له داعش ډلې څخه د افغان ځواکونو خواته د تسلیمۍ لپاره راتښتېدلي وو.

داعش ډلې لومړی په ننګرهار ولایت کې خونړي فعالیتونه پيل کړل چې امریکا پرې د بمونو مور هم وکاروله.

407 total views, no views today

onesignal_meta_box_present:
onesignal_send_notification:
response_body:
{"id":"e0522b75-efab-4af5-8a08-f19eb0a54492","recipients":901,"external_id":"00eb2cd8-d661-7316-82b4-054eb2ad2c42","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
901

Leave a Reply

Your email address will not be published. Required fields are marked *


۸