Categories

اعلان

Loading…

حکمتیار: ما کمپیوټري تذکره اخیستې زما پلویان دې یې هم واخلي

تاند – د افغانستان د اسلامي حزب مشر انجنیر ګلبدین حکمتیار وایي چې په ولسمشرغني پسې وروسته لومړنی سیاسي مشر وو چې کمپیوټري تذکره یې واخیستله.

ښاغلي حکمتیار نن سې شنبه /د میزان ۳۰مه/ په کابل کې د خپل ګوند پلویانو او خواخوږو ته په خبرو کې وویل چې په راتلونکي کې د انتخاباتو او سیاسي چارو د شفافیت د ډاډمنولو لپاره باید قاطع ګامونه واخیستل شي.

حکمتیار د کمپیوټري تذکرو توزیع د شفافیت د ډاډمنولو او په هېواد کې د امنیت د تأمینولو لپاره یوه ښه لاره وبلله او ویې ویل چې دا لړۍ باید پراخه شي.

د اسلامي حزب مشر د خپلو خبرو په ترڅ کې وویل چې د سیاسي کړکېچونو د مخنیوي او د روانو ستونزو د حل یوه لاره دا ده چې هغه ګوندونه چې د قوم او سمت د ګټو په اساس جوړ شوي هغه منحل کړای شي او د ده د ګوند په څېر دوه یا درې ملت شموله ګوندونه رامنځته شي.

حکمتیار په دې برخه کې د متحده ایالاتو د دیموکراتانو او جمهوري غوښتونکو په شمول د یو شمېر هېوادونو ګوندونه یاد کړل چې د قومي او سمتي ګټو د ساتنې پرځای د ملي ګټو داعیه پرمخ بیایي.‌

د حکمتیار په مشرۍ اسلامي حزب باندې یې یو شمېر مخالفان تور پورې کوي چې د پاکستان له ملاتړه برخمن او د هغه هېواد ګټو ته ژمن دی، خو حکمتیار دا خبره ردوي او وایي چې ګوند یې نه غواړي چې د پاکستان، هندوستان او ایران په شمول یو هېواد هم د خپلو ګټو د ساتنې جنګونه افغانستان ته راوړي.

– ازاد ژورنالست: خ. ستانکزی

1,706 total views, no views today

onesignal_meta_box_present:
1
onesignal_send_notification:
response_body:
{"id":"054e20ca-f351-4972-a2b9-9e7fa966555b","recipients":847,"external_id":"e0dbe21d-e5ed-37ef-a28b-2274fd13ff3a","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
847

1 comment

  1. babrak Reply

    زه د اولین ځل د ّپاره د حکمتیار له خولی سمه خبره اورم!ا

Leave a Reply to babrak Cancel reply

Your email address will not be published. Required fields are marked *

۸