Categories

اعلان

Loading…

کمېسیون: پولیسو د یخنۍ له وجې د ډیجیتلي مرکز د دهلېز قفل مات کړی و

تاند، سه شنبه، د میزان ۳۰مه: د ټاکنو کمېسیون وايي، یوازې یې د ډیجیټلي مرکز دروازه خلاصه شوې او دننه بندو شویو بایومتریک دستګاو ته هیڅ ضرر نه دی رسېدلی.

د ټاکنو کمېسیون غړي اورنګزېب نن سه شنبه په یو خبري کنفرانس کې وویل، دوه پولیسو دوه شپې وړاندې د نهو او اته نیمو بجو تر منځ د هوا د یخوالي له کبله د د ډیجیټلي مرکز دروازه پرانیستې ده او د معلوماتو مرکز ته هیڅ کس نه دی ورننوتی.

نوموړی وايي، د ټاکنو د لومړنیو پایلو د ځنډ وجه دا ده چې یو شمېر څارونکي د کمېسیون په کار کې مداخله کوي: (( د ډیجیټلي مرکز قفل نه دی مات شوی بلکې دهلېز ته یې په تېروتنې سره دوه پولیس ور ننوتي دي تر څو له یخنۍ ځان وژغوري، اما دا کار باید د کورنیو چارو وزارت کړی وای چې خپلو پولیسو ته د تودېدو وسایل ورکړي.))

په دې خبري کنفرانس کې د ټاکنو کمېسیون رئیسې هم وویل چې خپلو خلکو ته د ډیجیټلي مرکز د قلفونو د نه ماتېدو ډاډ ورکوي.

هغه وايي، د ټاکنو لومړنۍ پایلې د درملوک په سرور کې د ستونزې له کبله نه دي اعلان شوي، خو په وینا یې که نن هم کار وشي ټول معلومات سرور ته انتقالېږي: (( د نوماندانو ځینې څارونکي مداخله کوي او زموږ د پایلو د اعلان مخه یې نیولې ده.))

دا په داسې حال کې ده چې د عبدالله ټاکنیزې ډلې ادعا کړې چې د ټاکنو کمېسیون د دارالانشا کارکوونکي د شپې له تیارې څخه په ګټه اخیستنه ډیجیتلي مرکز ته ننوتي او قفلونه یې مات کړي دي.

722 total views, no views today

onesignal_meta_box_present:
onesignal_send_notification:
response_body:
{"id":"fcc3f349-f480-4cd5-884b-626003173654","recipients":849,"external_id":"26b09cbd-aa90-6eb3-ce44-a9356d3e4289","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
849

Leave a Reply

Your email address will not be published. Required fields are marked *


۸