Categories

اعلان

Loading…

ملکي مرګ ژوبلې: د امریکا پوځ د یوه ماشوم په وژلو اعتراف وکړ

تاند- د امریکا پوځ، چې تقریباً تل په افغانستان کې د ملکي وګړو پر وژلو انکار کوي، په خپله هوايي حمله کې د یوه ماشوم پر وژلو اعتراف وکړ.

د (The Bureau Of investigative Journalism) یا د تحقیقي ژورنالیزم د ادارې د چهارشنبې د راپور له مخې، د امریکا پوځ تراوسه پورې په روان ۲۰۱۹ م کال کې په افغانستان کې د ۶ ملکیانو وژل تایید کړي دي. خو ملګري ملتونه وايي چې د سږ کال په لومړیو شپږ میاشتو کې یې د ۴۳۰ ملکیانو مرګ ژوبله ثبت کړې ده.

د امریکا پوځ د یوه ماشوم مړینه د غزني په اندړ ولسوالي کې تایید کړې ده. دا پوځ وايي چې د روان اکتوبر په ۶ مه نېټه کله چې پر افغان او امریکايي پوځ د طالبانو له لوري حمله وشوه، دوی د هوايي ځواک کومک وغوښت چې په ترڅ کې یې درې طالبان او یو ماشوم ووژل شول.

د امریکا پوځ دا پېښه په داسې حال کې تایید کړه چې پرون (چهارشنبه) د میدان وردک ولایت د نرخ ولسوالي په صد مردې کلي کې د یوې کورنۍ ۷ غړي د شپې په چاپه کې په بې رحمۍ ووژل شول.

د امریکا او د امریکا د پلوي ملېشه ځواکونو د شپې په عملیاتو کې عموماً بېګناه ملکیان وژل کېږي او دې وژنو یو لړ شکونه پیدا کړي چې ګنې دا بریدونه په لوی لاس د ولس د پارلولو او د طالبانو د ولسي ملاتړ د زیاتولو په نیت کېږي.

په افغانستان کې د ملګروملتو مرستندوی ماموریت یا یوناما تېره اوونۍ اعلان وکړ چې باوري شواهد یې ترلاسه کړي چې د سږ کال د مې په میاشت کې د امریکا د پوځ په هوايي برید کې ۷۶ ملکیان وژل شوي وو.

د امریکا پوځ لا هم تیار نه دی چې د فراه په برید کې د ملکیانو مرګ ژوبله تایید کړي.

453 total views, no views today

onesignal_meta_box_present:
onesignal_send_notification:
response_body:
{"id":"2bfe764b-ee82-4729-bb23-a4d765290468","recipients":833,"external_id":"8ccc5796-45bd-fa9d-7b2c-07303357bcf3","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
833

Leave a Reply

Your email address will not be published. Required fields are marked *


۸