Categories

اعلان

Loading…

د سوداګرۍ وزارت: افغانستان تېر کال بې حده سوداګریز پرمختګ کړی

تاند، سه شنبه، د میزان ۲۳مه: د سوداګرۍ او صنایعو سرپرست وزیر اجمل احمدي وايي، تېر کال له امنیتي ستونزو سره سره افغانستان تر حده زیات سوداګریز پرمختګ کړی دی.

ښاغلي احمدي تېره ورځ په انګلستان کې د افغانستان- بریټانیا دویمې ګډې سوداګریزې غونډې ته په وینا کې له بریټانوي پانګه والو وغښتل چې په افغانستان کې دې پانګونې ته راوړاندې شي، ځکه د ده په وینا د افغانستان بازارونه لا هم پراخ او تازه سوداګریز فرصتونه لري.

په دې غونډه کې د اقتصاد وزیر مصطفی مستور هم ټینګار کړی دی چې د سولې روانې پروسې افغانستان ته د پانګه والو لیوالتیا زیاته کړې ده.

د افغانستان او بریټانیا ګډه سوداګریزه غونډه تېره ورځ د افغانستان د پنځو وزیرانو، ګڼو پانګه والو او سوداګرو په ګډون له بریټانوي چارواکو او پانګوالو سره په لندن کې ترسره شوه.

په دې ناسته کې زیاتره بحثونه په اقتصادي برخه کې په بانکدارۍ، بیمه او مالي چارو وشول.
افغانستان او بریټانیا دا ډول لومړۍ غونډه تېر کال ترسره کړې وه.

458 total views, no views today

onesignal_meta_box_present:
onesignal_send_notification:
response_body:
{"id":"76413dac-305f-484f-a5a5-4f551f1c768e","recipients":820,"external_id":"7a2694c7-7fa6-3bcf-91f9-ee350ffa521f","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
820

Leave a Reply

Your email address will not be published. Required fields are marked *


۸