Categories

اعلان

Loading…

ناټو: د مذاکراتو د بیا پيل هرکلی کوو، خو طالبان د سولې نیت نه لري

تاند، سه شنبه، د میزان ۲۳مه: د ناټو سرمنشي یو وار بیا ټینګار کړی چې دا سازمان او متحدین به یې له افغانستان سره اوږه په اوږه تر هغې کار وکړي چې افغان ځواکونه په یوازې ځان د ترهګرو د ځپلو وړتیا پیدا کړی او په افغانستان کې د سولې شرایط اماده شي.

ښاغلي سټولټن برګ د بریټانیا پارلمان ته په وینا کې دا خبره کړې او ویلي یې دي، افغان ځواکونو، مېرمنو او نارینه و د ستاینې وړ ډېر څه ترلاسه کړي دي او باید ستاینه یې وشي چې افغانانو یو وار بیا په ولسمشریزو ټاکنو کې خپل د رایې ډیموکراټیک حق وکاراوه.

نوموړي ویلي، دوی د سولې د مذاکراتو د بیا پیل هرکلی کوي خو په دې شرط چې طالبان د واقعي جوړ جاړي لپاره د مذاکراتو په لیست کې تمایل ښکاره کړي: (( متاسفانه موږ وینو چې طالبان تاوتریخوالی زیاتول غواړي او له دې کاره لاس نه اخلي.))

ښاغلي برګ زیاته کړه، دا سولې ته د طالبانو نه ژمنتیا ښکاره کوي او اړتیا پېښوي چې له دوی څخه د افغانستان د راتلونکي او ثبات لپاره قوي ضمانتونه واخیستل شي.

ښاغلي برګ زیاته کړه، ناټو به تر پایه له افغانستان سره مرستو ته ژمنه وي او باور لري چې دا هېواد بیا د ترهګرو په ځاله نه بدلېږي.

360 total views, no views today

onesignal_meta_box_present:
onesignal_send_notification:
response_body:
{"id":"68199690-37df-47d0-ac7b-d942fe42a2e8","recipients":819,"external_id":"eabcc9bb-5cfc-78f9-e56d-8cc801c4f37d","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
819

Leave a Reply

Your email address will not be published. Required fields are marked *


۸