Categories

اعلان

Loading…

د ولسي جرګې ۹۰ غړي له بې جوازه وسلو او نږدې ټول غړي ناقانونه موټرو کې ګرځي

تاند، دوشنبه، د میزان ۲۲مه: د کورنیو چارو وزارت وایي، د ولسي جرګې د ۲۵۰ غړو له منځه یې ۱۶۰ کسانو ته وسلې او جوازونه ورکړي دي، خو د ۹۰ وکیلانو د وسلو سرچینه نده معلومه چې له کومه ځایه یې ترلاسه کړې دي.

وزارت وايي، په دغو ۱۶۰ وکیلانو یې ۸۳۷ میله وسله توزېع کړې ده چې ټوله ورسره ثبت شوې هم ده.

د قانون له مخې هر وکیل حق لري ۴ میله وسله له ځانه سره وګرځوي، خو ویل کېږي چې د کورنیو چارو وزارت هر وکیل ته د ۸ میله وسلې جواز ورکړی او بیا هم ګڼو وکیلانو ډېره وسله او ډېر ساتونکي ځانته ساتلي دي.

د جرګې غړی الله ګل مجاهد وايي، دا مهال شپږ ساتونکي لري چې ټول له کورنیو چارو وزارت سره ثبت دي، مګر هغه وسلې یې چې شخصي دي او ثبت کړې یې نه دي په کور کې یې ساتلې دي: (( یو وخت ځینو وکیلانو له ماسره رقابت کاوه، ما هم زیات ساتونکي لرل، پيکا او راکټونه به هم راسره وو، خو کله چې ولسمشر فرمان صادر کړ، له هغې وروسته مې زیاته وسله ونه ګرځوله.))

 دا په داسې حال کې ده چې د ترافیکو ریاست وايي، ګڼ شمېر وکیلان په غیر قانوني ډول د ولسي جرګې او مشرانو جرګې په نوم نمبرپلیټونه په موټرو نصبوي.

د کابل د ترافیکو رئیس خان محمد شینواری وايي، یوازې پنځه نمبرپلیټونه یې تر اوسه رسما وکیلانو ته ویشلي دي، نور ټول غیر قانوني دي: (( دوی دا ټول نمبرپلیټونه جعلي جوړ کړي دي، نه پوهېږم چې چېرته یې جوړ کړي دي.))

د ولسي جرګې غړی رئیس عبدالخالق دا مني چې په دوه موټرو د یو نمبر پلیټ لګول له قانون خلاف دي خو وايي، دا نمبرپلیټونه یې د جرګې په دارالانشاء کې ثبت کړي دي.

 دا په داسې حال کې ده چې له جمعې ورځې راهیسې د امنیتي ارګانونو او ولسي جرګې د وکیلانو تر منځ له شخړې وروسته وکیلان ادعا کوي چې دوی ته سپکاوی د منلو نه دی او له ګاردانو سره یې باید د پولیسو لخوا برخورد او پوښتنې ګروېږنې ونشي.

دوی غوښتنه لري چې امتیازات او امکانات دې ورته ډېر کړای شي او هغه پولیس دې له دندو ایسته شي چې د جمعې په ورځ یې د پلچرخي ګمرک د تالاشۍ په پوسته له وکیلانو سره د موټر د نمبرپلیټونو او بې اسناده وسلو پر سر جنجال کړی دی.

خو د امنیت شورا لخوا یو پلاوي ته دنده ورکول شوې ده چې د دغه جنجال څېړنه دې وکړي.

1,200 total views, no views today

onesignal_meta_box_present:
1
onesignal_send_notification:
response_body:
{"id":"a1b1ca03-8513-4936-8b35-d157963ebf20","recipients":816,"external_id":"b10c80cd-e2ad-c79f-ffba-2d59a2467c41","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
816

1 comment

  1. Baryal Reply

    وایی : چو کفر از کعبه خیزد کجا ماند مسلماني.
    زمونږ وکیلان چې خپله قانون جوړوي او بیایې خپله نقض کوي ، نو مونږ به له چا ګیله وکړو.
    امنیتي قوا چې شپه او ورځ د خپلو خلکو د امنیت د تآمین لپاره وظیفه اجراکوي ، باید وستایل شي. که وکیل قانون ته غاړه کېږدی او خپلو سربازانو ته درناوی وکړی ، لرې به نه وي چې په ټول هېواد کې به قانون پلی شي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2