Categories

اعلان

Loading…

زابل کې د طالبانو پر ضد د جنرال رازق په نوم عملیات پیل شول

تاند، یکشنبه، د میزان ۲۱مه: له وسله والو طالبانو څخه د زابل د شاجوی ولسوالۍ د پاکولو پوځي عمليات پېل شول.

چارواکي وایي، د جنرال رازق په نوم د افغان ګډو ځواکونو عمليات نن سهار د شاجوی ولسوالۍ د چېنو له کلي پېل شوي او ددغې ولسوالۍ تر بشپړې تصفیې پورې به دوام وکړي.

په کندهار کې د پوځ د ۲۰۵ اتل قول اردو ویاند خواجه یحیی علوي وایي، رازق عمليات افغان ګډ ځواکونه مخته وړي او موخه یې د زابل د شاجوۍ ولسوالۍ او د زابل په مربوطاتو کې د کابل-کندهار د لويې لارې امن کول دي.

علوي وایي د روانو پوځي عملياتو پر مهال تر اوسه د وسله والو له غبرګون سره نه دي مخ شوي.

د افغان ګډو ځواکونو لخوا پر داسي مهال د زابل په شاجوی ولسوالۍ پوځي عمليات راپېليږي، چې وسله وال څو ورځې وړاندې د دې ولسوالۍ مرکز ته ننوتل او د افغان ځواکونو څو پوستې یې سقوط کړې.

د رازق تازه پېل شویو عملياتو په اړه تر اوسه طالبانو تبصره نه ده کړې.

مسوولان وایي، د رازق په نوم عملیات یې ځکه پیل کړي چې جنرال رازق به زابل، هلمند او اروزګان ولایتونو سره د اړتیا پر مهال مهمو عملیاتو کې مرسته او پریکنده رهبري کوله.

900 total views, no views today

onesignal_meta_box_present:
1
onesignal_send_notification:
response_body:
{"id":"b9d3ac0a-2335-4c45-895f-e3c20f7000e8","recipients":812,"external_id":"6b31a742-a61e-df14-4394-54e3e757911b","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
812

Leave a Reply

Your email address will not be published. Required fields are marked *

۸