Categories

اعلان

Loading…

افغان مارکیټ کې د پاکستاني پولیسو لخوا افغان بیرغ ته سپکاوي کابل په غوسه کړی

تاند، پنجشنبه، د میزان ۱۸مه: د افغانستان د بهرنیو چارو وزارت په پېښور کې د پاکستاني پولیسو لخوا د افغان مارکیټ له سر څخه د افغانستان د ملي بیرغ راغورځولو او ورته د سپکاوي پېښه په کلکو ټکو غندلې ده.

تېره ورځ په پېښور کې د افغانستان د قونسلګرۍ د افغانانو په ملکیت کې جوړ شوی افغان مارکیټ محکمې په یوه دعوای کې کشمیریانو ته وسپاره او پولیسو له کلونو راهیسې د دغه مارکیټ په سر رپانده د افغانستان بیرغ په ځمکه راوغورځاوه.

اوس د افغانستان د بهرنیو چارو وزارت په یوه اعلامیه کې د پاکستاني پولیسو دا کار غیر مسوولانه بللی دی.

د بهرنیو چارو وزارت په اعلامیه کې راغلي، د خیبر پښتونخوا پولیسو د افغان قونسلګرۍ له خبرولو پرته افغان مارکیټ محاصره کړی، بیرغ یې ترې راغورځولی او ځینې برخې یې رانړولې دي.

د بهرنیو چارو وزارت ټینګار کړی چې دا مارکیټ د افغانانو په ملکیت کې و او پاکستانۍ محکمې دغه حقوقي مسئله په سیاسي ډول فیصله کړې ده چې افغان حکومت ته یې دا پرېکړه د منلو نه ده.

د قضیې شالید:

ځايي محکمې د کوزې پښتونخوا پېښور کې د افغانستان پر ملکیت د جوړ شوي افغان مارکیټ دعوی د شوکت کشمیري په ګټه اعلان کړه.

افغان مارکیټ چې په پېښور کې د افغان قونسلګرۍ خواته جوړ شوی و، له کلونو راهیسې په کې د افغانانو دوکانونه وو او د افغانستان په ملکیت کې جوړ شوی و، خو له څه مودې راهیسې پرې د شوکت کشمیري په نوم یو کس د ملکیت دعوی کړې وه.

د پېښور استیناف محکمې تېره ورځ دغه لانجمنه قضیه کې د کشمیریانو په ګټه فیصله کړې او ویلي یې دي چې افغان مارکیټ دې ړنګ او ځای دې یې کشمیریانو ته وسپارل شي.

تېره ورځ ګڼ شمېر پولیسو او چارواکو د افغان مارکیټ په دوکاندارانو برید کړی، پر دغه مارکیټ له کلونو راهیسې ولاړ د افغانستان بیرغ یې راغورځولی دی، یو هوټل یې رانړولی او کشمیریانو ته یې د دغه مارکیټ ولکه او قباله سپارلې ده.

که څه هم په پېښور کې د افغان قونسلګرۍ چارواکو د پاکستان پولیسو د زورګويي د مخنیوي هڅه کړې ده خو چایې خبره نه ده اورېدلې او د افغان مارکیټ شاوخوا سیمه او سړکونه هم تړلي وو.

پولیسو د افغانستان بیرغ او پر افغان مارکیټ د افغانستان لګېدلی بورډ هم راغورځولی دی.

1,052 total views, 1 views today

onesignal_meta_box_present:
onesignal_send_notification:
response_body:
{"id":"9e14f635-16fc-47f3-9a43-e7b559572e2a","recipients":807,"external_id":"669f6f82-3e91-31b4-72d4-22d9af03781c","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
807

1 comment

  1. شاهین افغان Reply

    هېوادونه د ديپلوماتیکو نورمونو په اساس په نورو هېوادونو کې د خپل سفارت ، قونسلیو ، وکالت تجارتونو ، بندري سیمو ، کلتوري او علمي مرکزونو او نورو ځایونو او مقصدونو لپاره مځکې اخیستلاي شي او یا هم د کوربه هېواد له خوا ورته وړیا ورکول کیږي.
    کله چې بریتانیا زمونږ د هېواد ختیزه برخه تر خپل تصرف لاندې راوستله ،
    د افغانستان هېواد ته دغه ختیز ګاونډي یعني بریتانوي هند زمونږ په خپله خاوره کې د یو شمېر ملکیتونو د استفادې اجازه راکړې وه چې د پاکستان مصنوعي هېواد ترجوړېدو اویا کاله وروسته زمونږ قانوني ملکیت د پښتون عمران خان نیازي په واکمنۍ کې غصب کیږي او د کشمیریانو د خوشحالۍ لپاره هغوي ته ورکول کیږي .
    دوی چې له کشمیریانو سره دومره خواخوږي لري په پنجاب کې دې هغوی ته مځکې ورکړي چې لږ تر لږه کشمیریان به د هند به مقابل کې د پنجاب دفاع وکړي.
    د پاکستان دغه عمل ته چې د ټولو دیپلوماتیکو نورمونو او ښه ګاونډیتوب د اصولو خلاف تصمیم دی ، د افغانستان پر حاکمیت یو ښکاره تیری دی .

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2