Categories

اعلان

Loading…

څه ډول د ټاکنو مثبتې پایلې؟| حیات الله محبت

د ولسواک نظام لومړنی اصل او تګلاره د جمهوریت بقا او د ټاکنو ترسره کول دي.
ټاکنې باید داسې یوه ملي هنداره واوسي چې هر هېوادوال پکې خپله څهره وګوري او پکې ونډه وال شي.
د افغانستان حکومت هم د انتقالي دورې راورسته د یوه منتخب حکومت بڼه غوره کړه.
د بُن له کنفرانس را وروسته د هر راتلونکي حکومت واک مشر په یو نۀ، یو ډول د خلکو په اراده تر واک رسېږي.
د همدې سلسلې جریان د څلورم ځل لپاره د ۱۳۹۸ کال د تلې میاشتې ۶ مې نېتې ټاکنو تۀ راورسېد.
د تلې میاشتې ۶ مه پۀ ټول هېواد کې د ټاکنو ملي ورځ وه، خلک لۀ ګواښونو او سختو ننګونو سره سره د رای ورکولو مرکزونو تۀ لاړل او د دیموکراسۍ یو ښه تمثیل یې وړاندې کړ.
خو اوس پوښتنه او اندېښنه دا ده چې څۀ ډول د ټاکنو مثبتې پایلې درلودلی شو؟
د ۲۰۱۴ م کال د ټاکنو لانجمنو پایلو خلک لا تراوسه اندېښمن ساتلي او ویره لري چې خدای مۀ کړه هېواد یې بیا د بحران خواته کش نۀ شي.
خو دلته نوماندان چې، هر یوه یې ځان د ټاکنیزو کمپاینونو پر مهال د هېواد او خلکو خواخوږی بالۀ، باید ده چې په عمل کې یې ثابته کړي او د سیالۍ هغه برخې چې بریا او ماته نومېږي پۀ سم ډول وپېژني.
هر نوماند چې بریالی اعلانېږي سیالان دې یې په ډېر جرءت ماته ومني او د ملت او خلکو د هغو قربانیو او فداکاریو درناوی دې وکړي چې د ډېرو امنیتي ستونزو تر څنګ د رای اچونې لۀ مرکزونو را منع نۀ شول.
پۀ ډېر جرءت او مېړانه د ټاکنیزو پایلو منل د ملي یووالي او ملي وحدت یوه څرګنده نښه ګڼل کېږي او د تبعیض او هر ډول عصبیت مخنیوی کوي.
د نړۍ د پرمختللو هېوادونو د ټاکنو نوماندان تر بل هر چا دې موضوع تۀ ډېر ژمن دي.
ښه مثال یې د امریکا متحده ایالاتو ددې دور ټاکنې راوړلی شو .هېلري کلنټن چې له ټاکنو وړاندې یې د بریا خبرې کېدې په هیرانونکي ډول د ټاکنو بالونکې او سیال یې ډونالډ ټرمپ ګټونکی اعلان شو.
دې موضوع د تقلب او لاسوهنې ګنګوسې را وپارولې.
خو میرمن هېلري، هېواد او ټاکنیزو پایلو ته د درناوي پر اساس د (نۀ منم) غږ اوچت نۀ کړ او پایلې یې ومنلې.
لۀ دې موضوعاتو سره جوخت دلته د ټاکنو د مثبتو پایلو په لرلو کې د ټاکنو خپلواک کمیسیون هم مسؤل راځي او تر ټولو ډېر ژمنتوب همدوی تۀ راجع کېږي.
د ټاکنو خپلواک کمیسیون باید د ټاکنو پایلې په خپل وخت بغیر له تقلب، فشار او اګر مګر اعلان کړي.

430 total views, no views today

onesignal_meta_box_present:
onesignal_send_notification:
response_body:
{"id":"001747cf-0841-41b9-9ede-867cfdd72d3b","recipients":810,"external_id":"b8367ae7-46c9-1484-77b4-bc055540118c","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
810

Leave a Reply

Your email address will not be published. Required fields are marked *

۸