Categories

اعلان

Loading…

د تورخم دروازه ۲۴ ساعته پرانیستې ده او فعالیتونه یې په عادي ډول روان دي

د افغانستان حکومت د تورخم دروازه د صادراتو او وارداتو او همدارنګه د مسافرینو د تګ راتګ لپاره ۲۴ ساعته پرانیستي او د دې اړینې دروازې د ۲۴ ساعته پرانیستې لپاره ژمن دی.

د افغانستان حکومت د تورخم دروازې د ۲۴ ساعته فعالیتونو لپاره د بشپړو مالي، تخنیکي او انساني سرچینو وړتیا لري او د صادراتي او وارداتي توکو د طی مراحلو لپاره د اړتیا وړ ټولې اسانتیاوې یې چمتو کړي دي.

همدا شان یې د صادراتي او وارداتي توکو د طی مراحلو چاري په عادی توګه روانې دي او په یاده دروازه کې د ۲۴ ساعته توکو طی مراحلو په برخه کې هیڅ ډول غیرقانوني ځنډ شتون نه لري.

د تورخم او ننګرهار ګمرک په دروازه کې د محمولو ګڼه ګوڼه د یو شمېر واردوونکو له خوا د توکو د نه اظهارولو چې د ګمرکونو قانون، طرزالعمل او تعرفوي کودونو سره سم د توکو سل فیصده  تشریح د قانوني طی مراحلو او د نافذه قوانینو د پلي کېدو لپاره جوړه شوې ده.

د افغانستان مالیې وزارت په اړوندو ادارو کې د توکو چټک طی مراحلو لپاره اړینې ټولې اسانتیاوې او امکانات برابر کړي دي او له ټولو محترمو سوداګرو څخه غواړې، چې له نافذه قوانینو څخه اطاعت وکړي او خپل سوداګریز توکې د نافذه قوانینو، طرزالعملونو او تعرفوي کودونو سره سم طی مراحل کړي، له دې پرته به یې هر ډول مسؤلیت پر خپله غاړه وي.

262 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸