Categories

اعلان

Loading…

د (VLDL) او (LDL) ترمنځ توپیر | زکریا رحیمي

د کم غلظت لیپو پروتین (Low-density lipoproteins LDL) او د ډېر کم غلظت لیپو پروتین (very low-density lipoproteins VLDL) دواړه د لیپو پروتینونو ډولونه دي او په وینه کې موجود وي. لیپوپروتینونه د مختلف ډوله شحمو او پروتینونو ترکیب وي. په وینه کې کولېسټرول او ټریګلیسیریډ د بدن ټولو برخو ته انتقالوي.
 
کولېسټرول شحمي ماده ده او د حجرې په جوړښت کې اړینه ده. کولېسټرو په ځیګر کې تولیدیږي. ټریګلیسیریډ د شحمو بل ډول دی او په حجره کې د اضافي انرژي ساتلو لپاره کاریږي.
 
د (VLDL) او (LDL) ترمنځ توپیر د دواړو په جوړښت کې د پروتینو، کولېسټرولو او ټریګلیسیریډ د فیصدي کچه ده. په (VLDL) کې ټریګلیسیریډ زیات وي او په (LDL) کې کولېسټرول زیات وي.
 
دواړه (VLDL) او (LDL) د بدو کولېسټرول ډولونه ګڼل کیږي. خو په ورته وخت کې بدن د فعالیت لپاره ټریګلیسیریډ او کولېسټرولو ته اړتیا لري. که چېرې بدن کې زیات شي نو په وینه کې جمع کیږي، وینه کې جمع کېدل یې د زړه د حملې او د مغز د سکتې خطر زیاتوي.
 
ستاسې ځیګر کې (VLDL) تولیدیږي تر څو مو ټول بدن ته ټریګلیسیریډ انتقال کړي. د وزن له مخې :۱۰ % له کولېسټرولو،۷۰ % له ټریګلیسیریډو، ۱۰ % له پروتینونو او ۱۰ له شحمو جوړ شوي وي. کوم ټریګلیسیریډ چې د (VLDL) په ذریعه بدن ته انتقالیږي د انرژي لپاره کاریږي. که چېرې زیات کاربوهایډرېټ لرونکي او یا هم زیاته بوره وخورئ یوه اندازه یې بدن سوزوي او نوره پاتې برخه یې په بې کچې ټریګلیسیریډو بدلیږي او په وینه کې (VLDL) زیاتوي. کله چې په وینه کې ټریګلیسیریډ زیات شي په کلکې مادې بدلیږي. اضافي ټریګلیسیریډ په حجره کې جمع کیږي او کله چې اړتیا ورته پیدا شي ازادیږي. په وینه کې د (VLDL) زیاتوالی د لوړ فشار، پړسوب، د وینې د رګونو په استر کې د بدلون او د (HDL) کوم چې ښه کولېسټرول ګڼل کیږي د کمي لامل کیږي. همداسې زیاتوالی یې له (metabolic syndrome and nonalcoholic fatty liver) سره هم تړاو لري.
 
په وینه کې د (VLDL) ځینې برخه پاکیږي خو پاتې یې په وینه کې د انزایمونو په ذریعه (LDL) ته انتقالیږي. په (LDL) کې کمه اندازه ټریګلیسیریډ موجود وي خو کولېسټرول پکې زیات وي. د وزن له مخې: ۲۶ % له کولېسټرولو، ۱۰ % له ټریګلیسیریډو، ۲۵% له پروتینونو او ۱۵ % له شحمونو جوړ وي. دا لیپو پروتین ټول بدن ته کولېسټرول انتقالوي. که چېرې بدن کې (LDL) زیات شي کولېسټرول مو زیاتیږي. همداسې د وینې په رګونو کې د پلاکونو پیدا کېدو لامل کیږي او د وینې جریان بندولای شي. که چېرې دا پلاکونه سخت شي د (atherosclerosis) لامل کیږي.
 
که چېرې د یو کس بدن کې دواړه زیات شي د درملنې لپاره یې درمل د دې لیپو پروتینونو د کچې له مخې ورکول کیږي. د دواړو د کچې کولو لپاره کومه ازموینه نشته او ازموینه یې د ټریګلیسیریډ او کولیسټرولو په کچه کولو کیږي. که مو چېرې خواړه ډېر غوړ یا خواږه وي، که چېرې سګرټ څښوی، که چېرې عمر مو زیات او وزن مو زیات وي، که چېرې هره ورځ سپورت یا فزیکي دروند فعالیت نکوی، که چېرې لوړ فشار او یا شکر لری نو هرو مرو مو له ډاکټر سره د کولېسټرولو د ازموینې لپاره وګورئ.
 
په بدن کې د دواړو د زیاتېدو د مخنیوي لپاره هره ورځ سپورت وکړئ، د مغزیو لکه غوزان، بادام او پستې خوراک زیات کړئ، سګرټ څکول بند کړئ، خوړو کې مو اوکادو اضافه کړئ. له زیاتې غوښې، غوړو او خوږو ډډه وکرئ.

194 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸