Categories

اعلان

Loading…

د کیلې د پوستکي ګټې | زکریا رحیمي

banana peel
کیله خوندور خواړه دي، فایبر، پوتاسیم او لکه د ویټامین سي په څېر انټي اوکسیډنټ لري. ډېر خلک چې کیله وخوري نو پوستکی یې غورزوي خو له دې لیکنې لوستلو وروسته ممکن دا چاره ونکړي او ګټه ترې واخلي. د کیلې پوستکی د پوستکي د پاملرنې، د وېښتانو د پاملرنې، د غاښونو سپینولو، په طب کې د لمړینو مرستو یا اولیه کمک، د کور پاکونې او باغ کې کارېدلای شي.
 
د کیلې پوستکی د پوستکي د پاملرنې لپاره
۱ – که چېرې د کیلې پوستکی په مخ وموښل شي د مخ د پوستکي ګنجې ورکوي او پوستکی روښانه ساتي
۲ – که چېرې د سترګو لاندې کېښودل شي د سترګو لاندې پړسوب ورکوي
۳ – د کیلې پوستکی د انسان پوستکی نرم ساتلای او له لوندوالي ژغورلای شي
۴ – د کیلې پوستکی د ځوانۍ دانې او ټپ یې کمزوری یا ورکولای شي
۶ – که چېرې پوستکی مو د (psoriasis) ستونزه لري بخار یې ارامولای او د بخار سیمه نرمه ساتي – پسوریازیس (psoriasis) د پوستکي ناروغي ده، په پوستکي کې د سره رنګ د بخار لامل کیږي
۷ – که چېرې په ذخې (wart) یوه شپه د کیلې پوستکی وتړل شي ذخه له پوستکي لرې کولای شي
 
په ۲۰۱۸ کال کې یوې مطالعې وښوده چې د کیلې پوستکی فېنولیک لري او یاده ماده ځواکمنه د مکروب ضد او اوکیسډنت ضد ځانګړنه لري.
په ۲۰۱۱ کې یوې بلې مطالعې موندلي چې د کیلې پوستکی بیو اکیټیف ترکیبونه لري لکه کاروټېنویډ او پولیفینول.
په ۲۰۱۲ کې یوې بلې مطالعې د کیلې د پوستکي په شیره کې د پړسوب ضد ځانګړنه وموندله.
 
د کیلې پوستکی د وېښتو د پاملرنې لپاره
که چېرې وېښته د کیلې په پوستکي ماسک شي وېښتو کې نرموالی او ځلا پیدا کوي. په کیلې کې انټي اوکسیډنټ ازاد راډیکالونه خنثا کوي او د وېښتو د روغتیا ساتنه کوي.
 
د کیلې پوستکی د غاښونو سپینولو لپاره
د کیلې پوستکي کې د باکتریا ضد ځانګړنه هم شته او (A.actinomycetemcomitans and P. gingivalis) له منځه وړي. دا باکتریاوې د غاښونو چارچاپېره ناروغیو پیدا کولو کې ونډه اخلي لکه د (gingivitis and periodontitis) ناروغۍ. که چېرې د کیلې پوستکی په مستقیمه توګه پر غاښونو وموښل شي د ووریو او غاښو لپاره ګټور دی. که چېرې تر یوې هفتې پورې هره ورځ همدا چاره تکرار کړی غاښونه مو هم سپینوي.
 
که چېرې د کیلې پوستکی په ګرمکیو، د شنو یا خسکو پر چیچلي ځای او یا هم د لمر په سوزولي پوستکي وموښل شي بخار یې ورکیږي.
که چېرې د کیلې یو کنګل شوی پوستکی په سر یا تندي او بل په څټ کېښودل شي سر درد کموي.
 
د کیلې پوستکی د کور پاکولو لپاره
ډېر خلک د کیلې په پوستکي د هغو بوټو پاڼې پاکوي چې د کور په داخل کې وي، د سلوري لوښو پاکولو کې هم ګټور دی، همداسې ځینې خلک یې د چرمي بوټو لپاره د رنګ په توګه کاروي.
 
په باغچو کې د کیلې پوستکی
که چېرې د باغچو یا باغونو په خاوره کې خښ شي د ځمکې د چونجیانو خواړه دي، که چېرې له اوبو سره ګډ شي د سرې په توګه بوټو ته ورکول کېدای شي، که چېرې د ګلاب د بوټو لاندې کېښودل شي د اېفېډ حشرو مخنیوی کوي. همداسې باغچې ته شاپېرک د راتلو لپاره هڅوي.
 
د کیلې پوستکی د خوړو لپاره
ډېر خلک یې اوبو کې وېشوي او چای ترې جوړوي، ځینې خلک یې په هغو ترو خوړو کې کاروي کوم چې د دودیزو درملو په توګه کاریږي لکه له مسالو جوړ درمل، ځینې خلک یې له بورې او اوبو سره پخوي او شیریني ترې جوړوي

161 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2