Categories

اعلان

Loading…

استاد هدایت الله ابدي شو!//شهباز

زه خو شرابي یم شیخه څه را سره جنګ کړې
برخې ازلي دي کشکی ما د ځان په رنګ کړې

شاعر خوشال خان خټک درې پیړۍ پخوا ډېره پخه خبره کړې ده. برخې ازلي دي! د برخو په دې وېش کې موږ لکه چې ښادي، سوکالي، خوشالي، خندا او نیکمرغي نه لرو او د نړۍ ټول دردونه، رنځونه، کړاوونه، وینی، اور او بدمرغئ زموږ په نصیب کې لیکل شوي!

په دې اونۍ کې زموږ د فرهنګي سیمې، کوزې پښتونخوا داسې یو روڼ هنري ستوری ولوید، چې په ټولو ګران او منلی و او نشتون یې د ډېرو په جسم، ذهن، احساس او روان نه رغېدونکي ټپونه کېښودل!

هو! په دې اونۍ کې خوږ ژبی سندرغاړی استاد هدایت الله ومړ چې د ستر استعداد، خواږه غږ او لوړ احساس خاوند و!
نشته دی منزل زما چیرته زه روان یمه
*
ای د دنیا خلکو واورئ زه ډېر بی اسرې یمه
*
خوا له مې راشه د خندا ورځې دي
*
د ګونګروګانو په شرنګا دې لیونی کړ عالم
*
دا څنګه زمانه شوه
*

دا ستا درد به په هزار درمان ورنکړم

دا د هغه سندرو لومړني بیتونه دي چې د استاد هدایت الله په خواږه غږ یې، په لسګونو زره زړونه په کلونو – کلونو خوشاله ساتلی او په لسیزو – لسیزو نور به هم اورېدل کېږي.

هدایت الله له نن څخه 79 کاله پخوا د پښتونخوا د نوښار په ډاګ بهسود کې زېږیدلی. په هغه کورنۍ کې چې دې ماشوم سترګې پرانستې، لکه د زرګونو نورو کورنیو په شان، موسیقي، ساز، سندری او نور هنري کارونه بد ګڼل کېدل؛ خو دې ماشوم له تنکي ځلمیتوبه د موسیقي سره خپله ژوره مینه پټه نه کړه، کرۍ ورځ به د نورو سندرغاړو د سندرو په زمزمه کولو بوخت و او په ګوتو به یې خیالي باجه غږوله!

هدایت الله په لسم ټولګي کې، د پلار د ناروغئ له امله، د ښوونځي پرېښودو ته اړ شو او د خپلې سیمې د کرنې په اداره کې یی کار پیل کړ.

په دې وخت کې هدایت الله، استاد رفیق شینواري، فرخ سیر شمع او خلیفه استاد ته ګوړه کېښوده او د باجې (هارمونیم) زړه کړه یې پیل کړه.

ویل کېږي چې هدایت الله په لومړي سر کې نعتیه کلامونه اورول او په پېښور کې به یې د عبدالستار شاه پاچا جان په دربار کې په سماع غونډو کې برخه اخسته؛ خو وروسته – وروسته د ګاونډی پیغلې کتو او مینې دې ته اړ کړ چې نعتونه پرېږدي، سرکاري راډیو ته لاړ شي، عاشقانه اشعارو ته کمپوزونه جوړ کړي او بیا د فلمونو له پاره مستې سندرې وبولي.
د هدایت الله لومړنی راډیویي سندره دا وه:

ډېر ژړیدلی یمه، ډېر کړیدلی یمه
ستا سترګو خوړمه
زه غلام رټلی یمه

د لومړني پښتو فلم (یوسف خان شیربانو) له پاره (راشه، هو راشه خوشی میدان دی) سندرې، هدایت الله د پېښور له کمکی جغرافیې څخه ویست او یو نوموتی سندرغاړی یې ترې جوړ کړ.

په هغه کلونو کې چې پېښور ډېر خوندور فلمونه جوړول، لکه ناوې د یوې شپې، عجب خان اپریدی، یوسف خان شیربانو، آدم خان درخانی، زما بدل، پښتون توره او داسې نور، استاد هدایت الله د همدې فلمونو دروند او خوږ ژبی سندرغاړی و او هسې سندرې یې وبللې چې اوس هم د خلکو په زړونو منګولی لګوي او د ځوانانو احساس تخنوي.

ویل کېږي له کله نه چې د پېښور په سینمايي تولیداتو کې د استاد هدایت الله غږ تت شو، دې سینما هم له هنري اصالت سره مخه ښه وکړه او د پنجاب د رنډیو په لاس د ابتذال کندې ته ولویده!

د استاد هدایت الله یوه ځانګړتیا دا وه چې راډیو، تلویزیون او سینما ته یې سندرې ویلې او هېڅکله د شتمنو شخصي بزمونه ته نه ورتلو!

له بده مرغه چې دا اونۍ استاد هدایت الله، په پېښور کې په داسې حال کې سا ورکړه چې کلونو – کلونو اوږدې ناروغئ ډېر ځورولی او مرستې ته اړ و. او بیا هم له بده مرغه چې استاد د ژوند په دې سختو ورځو کې د مرستې کوم دولتي یا شخصي لاس احساس نه کړ! او هغه خلکو یوازې او ناروغ پرېښود چې ده ټول ژوند ورته وقف کړی و او دوی ته یې سندرې جوړولې.

د استاد اروا دې ښاده وي او د استاد د جادویي غږ خوښونکي دی دومره  اخلاقي وس او وړتیا ومومي چې خپل فرهنګي شخصیتونه په ژوندوني وپالي، نه دا چی په مرګ یې د ندامت اوښکې توی کړي!
شهباز


644 total views, 4 views today

onesignal_meta_box_present:
1
onesignal_send_notification:
response_body:
{"id":"35cfa8e4-caaf-4006-9c59-2ad1eb27ae4f","recipients":803,"external_id":"39aa8b19-4129-e1ce-54bd-56d0de39b861","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
803

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2